ایران رهبری علی خامنهای، امریکا بیلن مذاکره احتمالینی رد قیلیب و ایتیشیچه، بو دولت مذاکره آرقهلی ینگی طلبلرنی ایلگری سوریشگه اورینماقده که مملکتی تامانیدن عملگه آشیریلمهیدی.
اوشبو بیاناتدن کیین، ایران و امریکا آرهسیده کیسکینلیکلر اوج آلیب و امریکانینگ حربی اقدامی حقیده خواطرلر کوپهیگن.
شوندهی بیرحالده، قطر باش وزیری و تشقی ایشلر وزیری محمد بن عبدالرحمان بن جاسم آل ثانینینگ آگاهلنتیریب و ایتیشیچه، خلیج فارس قیرغاقلریده ایران هستهای قوریلمهلریگه هر قندهی هجوم منطقه مملکتلرینی سوو کملیگی قیینچیلیگی بیلن روپهره قیلهدی.
بیزلرنینگ فیسبوک صحیفهمیزگه باش اورینگ!
شوندهی بیرحالده، خلقارا رابطهلر بیلرمانلریدن قطارینینگ ایشانچیگه کوره، امریکا ایرانگه قرشی تیزلیکده حربی اقدام قیلمسلیگی ممکن.
خلقارا رابطهلر بیلرمانی حبیب جعفرینینگ ایتیشیچه، واشینگتن منطقهای متحدلرینینگ باسیمی آستیده قرار تاپیب و باشقه بیر تاماندن، ایران دن حمایت قیلهدیگن مملکتلر هم بو مملکت گه حربی هجوم بیلن مخالف دیر.
اونینگ کوپهیتیریشیچه: «فکر قیلمهیمن که امریکا ایران گه قرشی تیزلیکده حربی اقدام قیلسه، چونکه بو مملکت منطقهده متحدلرینینگ باسیمی آستیده دیر. باشقه بیر تاماندن، ایران دن حمایت قیلهدیگن مملکتلر هم ایراننینگ بمباردمان قیلیشینی ایستمهیدی. شونینگدیک ایران هستهای قوریلمهلرینینگ نابود قیلیش امکانسیز دیر.»
بیزلرنینگ «ایکس» ترماغی ده هم تعقیب قیلینگ!
ایران تشقی ایشلر وزیری سیدعباس عراقچینینگ ایتیشیچه، مملکتی امریکا بیلن عدالتلی مذاکره قیلیشگه تیار دیر؛ بیراق ایران هستهای قوریلمهلرینی حربی عملیات بیلن یوق قیلیش امکانسیز دیر.
شونینگدیک خلقارا رابطهلر بیلرمانلریدن باشقه بیر مطیعالله آرینپورنینگ اورغولشیچه، ایران و امریکا آرهسیده کیسکینلیکلر آشیشی منطقه فایدهسیگه بولمهی و بو قیینچیلیکنینگ دیپلماتیک یولیدن حل بولیشی کیرهک. «اوروشلردن برچهسی نهایت دیپلماتیک یولیدن یکونلنگن. امریکا ایستهکلریده باشقه مملکتلر گپی آستیده قالمهی و ایکی تامان ایستهکلری نظرگه آلینهدیگن یولنی تنلشی کیرهک.»
شوندهی بیرحالده، امریکا جمهور باشلیغی دونالد ترامپ، بیر مکتوب آرقهلی ایران رهبرلرینی مذاکره گه چقیرگن. ترامپنینگ اورغولشیچه، ایران بیلن اختلافلرنی حربی اقدام ایمس، بلکیم مذاکره یولیدن حل بولینیشینی افضل کورهدی.
