تخار خوفسیزلیک مسئوللری، اوشبو ولایت ده ۳۵ یاشر بیر ییگیت تورت ییل‌لیک اوی قماغی‌دن آزاد قیلینگنی‌دن خبر بیره‌دیلر.
تخار امنیه قوماندان‌لیگی سوزلاوچیسی عبدالمبین صافی گه کوره، نورآغا اسملی اوشبو ییگیت تخار مرکزی تالقان شهری گه قره‌شلی قلبرس قیشلاغی اصلی یشاوچیسی بولیب تورت ییل دن بیری آته‌سی تامانیدن اوی ده حبس قیلینگن اېکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه، بو ییگیت تخار امنیه قوماندان‌لیگی ایکّینچی خوفسیزلیک حوزه‌سی جنایی ایشلر بوییچه خادم‌لری تامانیدن انیق اطلاع بیریلیشی‌دن سۉنگ قوم بویوک‌لری نینگ اویغون‌لیگی بیلن آزاد قیلینگن.
صافی جنابلری گه کوره، مذکور ییگیت عایله‌سیدن ییر (زمین) دعوا قیلیش اوچون آته‌سی تامانیدن شفقت‌سیز شکلده قول و ایاغ دن زنجیرلنیب قرانغو و ساووق بیر اتاق ده قملگن اېکن و حاضر روحی قیینچلیکّه چلینگن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه، بو ییگیت دوالنیش اوچون کسلخانه گه آلیب باریلگن و واقعه گه دایر دستلبکی تدقیقات‌لر باشلنگن.
ایتیش کېره‌ک، بوندن آلدین اسلام امیرلیگی کوچلری مملکت نینگ بیر قطار ولایت‌لری‌ده ایریم دلیل‌لر باعث اوی قماغی‌ده آلینگن قطار کیشی‌لرنی آزاد قیلگنلر.
