تخار مرکزی تالقان شهری بلدیه مسئوللری، اوشبو ولایت ده «آقاخان» دفتری مالی یاردمی بیلن شهر ایچیده‌گی اخلت‌لرنی تازه‌لش و کرونا گه قرشی کوره‌ش مقصدیده، اوچ کون‌لیک کمپاین یولگه قویگنلر. اولر اوشبو کمپاین یولگه قوییلیشینی تالقان شهری ده‌گی اخلت‌لرنی تازه‌لش و شهری فرهنگ نی نهادینه قیلیش عنوان قیله‌دیلر.
تالقان شهری بلدیه باشلیغی نقیب‌الله محمدی نینگ ایتیشیچه، مذکور شهر یشاوچیلری و کسبه‌کارلریدن اوشبو کمپاین گه فعال حصه قوشیش‌لرینی طلب قیله‌دی.
بیزلرنینگ فیسبوک صحیفه‌میزگه باش اورینگ!
تخار ده آقاخان دفتری مسئوللری، اوشبو ولایت ده برنامه‌لرینی عملگه آشیریش دن ایشانچ بیریب ایتیشلریچه، مذکور ولایت نینگ مهم منطقه‌لریده ترقیاتی و شاشیلینچ برنامه‌لرینی عملگه آشیرگنلر.
تالقان شهری یشاوچیلری، بلدیه مسئوللری نینگ اوشبو اقدامینی خوش قرشی‌لب ایتیشلریچه، تالقان شهری اهالیسی اخلت‌لر باعث ایریم قیینچیلیک‌لر بیلن روپه‌ره ایدیلر و شهر نینگ هر بیر بورچه‌گیده اخلت بار ایدی، حتا سرک‌لرنی توسیب و ایریم کسل‌لیکلر تاپیلیشی گه سبب بولگن ایدی.
بیزلرنینگ توییترده هم تعقیب قیلینگ!
تالقان شهری یشاوچیلری، مسئوللر تامانیدن اوشبو کمپاین دوام تاپیشینی طلب قیله‌دیلر.
بوندن آلدین، تخار مرکزی تالقان شهری بلدیه اداره‌سی مسئوللری، اهالی تامانیدن شهری فرهنگ رعایت بولمسلیگی و سرک‌لرنی اخلت‌لردن تازه‌لش اوچون عمومی حشر یولگه قویگندی.
