افغانستان ده انسان حق‌لری اینیقسه خاتین قیزلر حقوقی رعایت ایتیلمسلیگی گه دایر جهان بیلن اسلام امیرلیگی نینگ قرشی‌لیگی باعث، دنیا همجمعیت تامانیدن بیریله‌دیگن یاردم‌لر کونسه‌یین کمه‌یماقده دیر.
ینگی‌لیکده، بریتانیا افغانستان گه بیره‌دیگن ۲۴۶ میلیون پوندی مالی یاردم‌لریدن ۵۰ فایزینی کمه‌یتیریب و یوز میلیون گه ییتکیزگن.
بونگه علاوه، امریکا صلح انستیتوتی ترقه‌تگن گزارشی ده، افغانستان ده اسلام امیرلیگی تامانیدن انسان حق‌لری رعایت ایتیلمسلیگی باعث، میلادی ۲۰۲۳_ییل ده بیرلشگن ملت‌لر تشکیلاتی تامانیدن افغانستان گه بیریله‌دیگن انسان پرورلیک یاردم‌لر، ۳۰ و ۵۰ فایز کمه‌یگنینی معلوم قیلگن.
بیزلرنینگ فیسبوک صحیفه‌میزگه باش اورینگ!
ایش بیلرمان‌لر، افغانستان گه انسان پرورلیک یاردم‌لر کمه‌یش سببینی، دنیا همجمعیت بیلن اسلام امیرلیگی نینگ قرشی‌لیگی عنوان قیله‌دیلر.
سیاسی ایش بیلرمان طارق فرهادی گه کوره: «غرب اولکه‌لری، اسلام امیرلیگی نینگ اقدام‌لرینی بهانه قیلیب یاردم‌لرینی کمه‌یتیرماقده‌لر، اسلام امیرلیگی نینگ بیرینچی دوری کبی، دنیا افغانستان گه اوز یاردم‌لرینی کمه‌یتیریشی ممکن.»
باشقه تاماندن، ایش بیلرمان‌لر اسلام امیرلیگی دن، اولکه یشاوچیلری نینگ اقتصادی قیینچیلیگی اوچون انسان پرورلیک یاردم‌لر گه زمینه یره‌تیشینی طلب قیله‌دیلر.
اقتصادی ایش بیلرمان لعل‌زازی نینگ سلام‌وطندار گه ایتیشیچه: «افغانستان خلقی گه دنیا همجمعیت نینگ یاردم‌لری مهم دیر و حکومت اقتصادی قیینچیلیک‌لر حلی اوچون اوشبو یاردم‌لر گه زمینه یره‌تیشی کیره‌ک.»
عین‌حالده، مملکت اقتصاد وزیرلیگی دنیا همجمعیت دن، افغانستان گه اوز یاردم‌لری گه دوام بیریشینی سوره‌یدی.
بیزلرنینگ توییترده هم تعقیب قیلینگ!
اقتصاد وزیرلیگی سوزلاوچیسی عبدالرحمان حبیب نینگ ایتیشیچه: «دنیا همجمعیت افغانستان ده کمبغل‌لر سانی کوپه‌یشی و یشاوچیلر نینگ اقتصادی قیینچیلیگی اوچون، چیکلاولر بیکار قیلینیشی و افغانستان سرمایه‌سینی آزاد قیلیش گه علاوه، ترقیاتی و ایش زمینه‌لرینی یره‌تیش برنامه‌لرنی قوللب_قوتلش اوچون یاردم‌لری گه دوام بیریشینی ایسته‌یمیز.»
ایتیش کیره‌ک که، اسلام امیرلیگی تامانیدن ایچکی و خارجی نادولتی اداره‌لر نینگ عیال ایشلاوچیلری گه ایش گه باریش اجازه‌سی بیریلمسلیگی، انسان پرورلیک یاردم‌لرنی قیینچلیک بیلن روپه‌ره قیلگن.