طالبان سوزلاوچی‌لریدن بولمیش ذبیح‌الله مجاهد نینگ سونگی بیانات‌لریگه کوره، تینچلیک سوزلشوولر نتیجه بیرمه‌گن صورتده، نهایی شکلده حربی اقدام قیلیش‌لری ممکن.
طالبان سوزلاوچیسی نینگ تاکید قیلیشیچه، اوشبو گروه آرمان و مقصدلریگه ییتیشمه‌گن صورتده، آتیش‌کیسین قیلمه‌یدی.
او، آمریکا کوچلرینی کامل صورتده چیقیشی و اسلامی حکومت قوریلیشی‌نی آتیش‌کیسین اوچون شرط عنوان قیلگن.
بیراق، جمهورلیک ریاستی سوزلاوچیسی نینگ اورین باسری دواخان مینه پال نینگ توییتر صحیفه‌سیده یازیشیچه، طالبان پاکستان نینگ لاهوری دن حمایت قیلینه‌دی و افغانستان نی ویران قیلیش و اهالینی آواره قیلیش اوچون سعی و حرکت قیله‌دی.
جمهورلیک ریاستی سوزلاوچیسی نینگ اورین باسری‌گه کوره، طالبان نینگ حاضرگی اوروشی افغانستان نظامی و اهالیسی‌گه قرشی دیر.
عین‌حالده، حربی ایش بیلرمانلردن بولمیش غلام حسن مجروح نینگ ایتیشیچه، طالبان تینچلیک اوچون توشینمه‌یدی و حکومت خلق ارا جماعه‌سی آرقه‌لی اولر اوستیگه فشار کیلتیره آلمه‌گن صورتده، افغانستان نی جدی بیر قیین‌چیلیک تامان کیتیشی ممکن.
سونگی هفته‌لرده مملکتده هدفلی ترورلر و پارتلش کوپه‌یگن بیرحالده، طالبان سوزلاوچیسی بو صحبت‌لرنی بیان قیله‌دی. حکومت طالبان گروهی نی اوشبو واقعه‌لرگه عامل عنوان قیلیب و طالبان گروهی هم بیرقطار هدفلی ترورلرنی تصدیق‌لگن.