تخار دشت قلعه تومنیده «النگ» مکتبی قوریلیشیدن ۲۰ ییل اوتماقده، اوشبو مکتب ده بیر مینگ ۵۰۰ قیز و اوغیل باله تعلیم بیلن مصروف دیر، ینگی‌لیکده مذکور مکتب نینگ اطراف دیوارلرینی قیته قوریلیش ایشی محل یشاوچیلری و خارج ده‌گی بیرقطار یاش‌لر نینگ یاردمی بیلن باشلنگن.
اوشبو مکتب مسئوللری گه کوره، بیلیم سیور یشاوچیلر تامانیدن ۵۰۰ مینگ افغانی یاردم بیریلگن، بو پول‌لر مذکور مکتب نینگ اطراف دیوارینی قوریش، ایچیده قودوق قازیش، اوقووچیلر اوچون سپورت میدانی و پارک قوریش ایشلری گه صرفله‌نیشی کوتیله‌دی و حاضر کوپ ایشلری یکونلنگن.
بیزلرنینگ فیسبوک صحیفه‌میزگه باش اورینگ!
دشت‌قلعه تومنی النگ لیسه‌سی مدیری عبدالرشید حق‌کوره‌ش نینگ سلام‌وطندار گه ایتیشیچه: «درسی امکانیت‌سیزلیک بیلن دوچ، میز مثال صورتده اورته و لیسه دوره‌لریده، اوقیتووچی، کتاب و درسی امکانیت تعلیم و تربیه گه یاردم بیره‌دیگن مهم نرسه‌لردن دیر که کمچیلیک بیلن روپه‌ره‌میز.»
تخار ده مدنی جماعه‌چیلیک فعاللری نینگ ایتیشلریچه، اوشبو ولایت اینیقسه ماورای کوکچه تومن‌لریده‌گی مکتب‌لر بناسیز دیر. اولر حکومت دن جمعیت ترقیاتی اوچون آلتینچی صنف دن یوقاری قیزلر یوزی گه مکتب‌لر آچیلیب و معارف گه مخصوص دقت قیلینیشینی طلب قیله‌دیلر.
مدنی جماعه‌چیلیک فعالی اسدالله میرزایی نینگ سلام‌وطندار گه ایتیشیچه: «معارف بولیمیده اونچه‌لیک دقت قیلینمه‌گن، جمهوریت توزومی ده ارتباط اساسیده ایش بولر ایدی، وکیلی بولگن و وزارت‌خانه‌لر بیلن یقین کیشی‌لر اوز منطقه‌لری گه ایشلر ایدیلر، بیراق دشت‌قلعه تومنیده دقت قیلینمه‌گن و کوپ سانده مکتب‌لر بناسیز دیر.»
دشت‌قلعه تومنی معارف مسئوللری، آلتینچی صنف دن یوقاری قیزلر نینگ مکتب‌لری آچیلیشی خصوصیده هیچ نرسه دیمه‌یدیلر، بیراق اسلام امیرلیگی حاکمیتیدن کیین اوشبو تومنده معارف قیینچیلیکلری ییترلیچه حل بولگنینی معلوم قیله‌دیلر.
بیزلرنینگ توییترده هم تعقیب قیلینگ!
اولر، دشت‌قلعه تومنیده‌گی بناسیز مکتب‌لر نینگ بنالری قوریلیشیدن ایشانچ بیلدیریشه‌دی.
دشت‌قلعه تومنی معارف آمری عزت‌الله مظفری نینگ سلام‌وطندار گه ایتیشیچه: «مکتب‌لر نینگ بناسی یوق، معارف رهبریتی گه پیشنهاد قیلگن‌میز و پیشنهادیمیز قبول بولیشینی امید قیله‌میز، کوپ سانده مکتب‌لر بناسیز دیر و اوقووچیلر ایسیق هوا ده درس اوقیدیلر.»
ایتیش کیره‌ک که، محل یشاوچیلری نینگ اقتصادی وضعیت‌لری اونچه‌لیک یخشی بولمسه‌هم، شخصی پول‌لریدن باشقه نیچه مکتب ده درسی صنف قورگنلر.