اسلام امیرلیگی قاچقینلر وزیرلیگینینگ اعلام قیلیشیچه، تاجیکستان افغانستانلیک ۴۹ کیشینی چیقرگن.
اوشبو وزیرلیک آرقهلی بوگون ترقهتیلگن بیانیهده کیلیشیچه، مذکور کیشیلر ۷ و ۸-جوزا تاجیکستان دن چیقریلیب و قندوز ده شیرخان بندری آرقهلی افغانستان گه کیلگنلر.
بیزلرنینگ فیسبوک صحیفهمیزگه باش اورینگ!
شیرخانبندر چیگره آمریتی مسئوللری گه کوره، بو کیشیلردن ۳۶ تهسی تاجیکستان کیملیگی و ۱۲ تهسی ایسه پاسپورت و ویزهگه ایگه ایکنلر.
شیرخانبندری چیگره آمریتینینگ کوپهیتیریشیچه، اوشبو کیشیلر قانونی حجتگه ایگه بولگنلری بیرحالده، تاجیکستان دولتی آرقهلی چیقریلگن و بو اقدام سببی حاضرگچه بیللی ایمس.
قاچقینلر وزیرلیگینینگ ایتیشیچه، مملکت گه قیتریلگنلر آت یازیشدن کیین، انسانسیورلیک یاردملرنی قولگه کیلتیریب، اصلی شهر و تومنلریگه انتقال بیریلگنلر.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی قاچقینلر ایشلری بوییچه عالی کمیساری، بوندن آلدین تاجیکستان دن افغانستانلیک قاچقینلرنینگ چیقرمسلیگینی ایستهگن ایدی.
مذکور تشکیلاتنینگ معلوماتی اساسیده، ۲۰۲۴-ییل یکونیگه قدر قریب ۹ مینگ افغانستانلیک قاچقین تاجیکستان ده حیات کیچیرهر ایکن.
