افغانستان ده اسلام امیرلیگی حاکمیتیدن ایکی ییل دن کوپ اوتماقده ایکن، بیراق اوشبو حکومت حاضرگچه هیچ بیر مملکت تامانیدن تن آلینمه‌گن و حاضرگی کون ده فلسطین و اوکراین کبی دنیا نینگ ایریم بورچک‌لری ده‌گی کیسکین‌لیک‌لر باعث، افغانستان وضعیتی دنیا سیاست‌لری ده اونیتیلگن.
ایش بیلرمان‌لردن بیرقطاری نینگ ایتیشلریچه، اوشبو وضعیت دوامی افغانستان نینگ سیاسی واقتصادی اوستیگه سلبی تاثیر قیلیشی ممکن. اولر نینگ ایشانچی گه کوره، بو مسئله مملکت ضرری گه دیر.
سیاسی ایش بیلرمان باقر محسنی نینگ سلام‌وطندار گه ایتیشیچه: «دنیا ده یوز بیره‌دیگن واقعه‌لر، مملکت‌لر نینگ خارجی سیاست‌لری اوستیگه تاثیر قیله‌دی، حاضرگی کون ده افغانستان نینگ انسان پرورلیک یاردم‌لر و باشقه اولکه‌لر بیلن تعامل قیلیش گه نیازی بار، سیاسی و اقتصادی نقطه‌ی نظر دن اوستیگه کوپراق تاثیر قیله‌دی.»
بیزلرنینگ فیسبوک صحیفه‌میزگه باش اورینگ!
ایش بیلرمان‌لردن باشقه بیرقطاری گه کوره، بو وضعیت وقتینچه‌لیک دیر و مملکت نینگ ژئوپولیتیک موقعیتی گه قره‌گنده، دنیا همجمعیت افغانستان گه قیته دن اوز اعتبارینی قره‌تیشی ممکن.
سیاسی مسئله‌لر ایش بیلرمانی ویس ناصری، افغانستان دنیا تامانیدن وقتینچه‌لیک اونیتیلیشینی مملکت ضرری گه بیله‌دی، بیراق او نینگ ایشانچی گه کوره، سرپرست حکومت افغانستان خلقی نینگ خواستی اساسیده عمل قیلگن حالده، دنیا همجمعیت افغانستان گه قیته دن اعتبار قره‌تیشی ممکن.
او نینگ کوپه‌یتیریشیچه: «افغانستان اوز اهمیتی گه ایگه، بیراق دنیا ده‌گی واقعه‌لر وقتینچه‌لیک دیر و افغانستان مسئله‌سی اوستیگه تاثیر قیلگن، لیکن دنیا افغانستان نینگ ثبات‌سیز وضعیتی گه قیته دن دقت قیله‌دی.»
اسلام امیرلیگی مسئوللری نینگ ایتیشلریچه، سرپرست حکومت دنیا سیاست‌لری گه اعتبار بیرمه‌ی اوز ایشلری گه دوام بیره‌دیلر و حاضرگی کونده کوپ سانده اولکه‌لر، سرپرست حکومت بیلن همکار دیر.
اسلام امیرلیگی سوزلاوچیسی نینگ اورین باسرلریدن بلال کریمی گه کوره، سرپرست حکومت تن آلینیشی اوچون کوتیب تورمه‌یدیلر، بیراق ایکی تامانلمه حرمت اوچون باشقه مملکت‌لر بیلن تعامل قیلیش گه تیارلر.
بیزلرنینگ «ایکس» ترماغی ده هم تعقیب قیلینگ!
او نینگ ایتیشیچه: «اروپا و امریکا کبی اولکه‌لر کیلیب بیزنی حمایت قیلیش اوچون کوتیب تورمه‌ی میز، اسلام امیرلیگی ایکی تامانلمه حرمت و اسلام قدریت‌لری نظر گه آلینگن حالده، اولر بیلن تعامل قیلیش گه تیار دیر.»
عین‌حالده، افغانستان گه انسان پرورلیک یاردم‌لر کمه‌یگن و یاردم بیرووچی تشکیلات‌لر جمله دن خلق‌ارا آزیق_آوقت دستوری بودجه یوق‌لیگی اوچون، افغانستان گه اوز یاردم‌لرینی کمه‌یتیرگن.
ایتیش کیره‌ک، امریکا ملی خوفسیزلیک مصلحتچیسی جیک سالیوان، ینگی‌لیکده «فارن افرز» مجله‌سی تامانیدن ترقه‌لگن مطلب ده ایتیشیچه، دنیا نینگ باشقه بورچک‌لری ده‌گی کیسکین‌لیک‌لر باعث امریکا افغانستان دن چیققن، چونکه افغانستان گه نسبتن بو مملکت‌لر امریکا اوچون مهم دیر.