زابل ساغلیق‌نی سقلش ریاست مسئوللری نینگ ایتیشلریچه، اوشبو ولایت نینگ سیور تومنیده ۲۰۰ باله «کوک یوتل» کسل‌لیگیگه چلینگن و اوشبو کسللیککه چلینگن ایکی باله جان بیرگن.
زابل ساغلیق‌نی سقلش باشلیغی عبدالحکیم حکیمی، اوشبو کسللیککه چلینگنلرنی درمانلش اوچون منطقه گه صحی بیر تیم یوباریلگنیدن ایشانچ بیلدیره‌دی.
اونگه کوره: «اوشبو کسللیک اوتگن نیچه کون ده زابل ولایتی سیور تومنی نینگ اوزاق منطقه‌لریده تاپیلگن و ینگی‌لیکده سیزیلرلی درجه ده کوپه‌یگن که قریب ۲۰۰ کیشی بو کسللیککه چلینگن و ایکی باله جان بیرگن. مذکور کسللیککه چلینگنلرنی درمانلش اوچون سعی و حرکت قیلینماقده.»
بیزلرنینگ فیسبوک صحیفه‌میزگه باش اورینگ!
عین‌حالده، زابل ولایتی سیور تومنی یشاوچیلری، مذکور تومنده طبی امکانیت یوق‌لیگیدن شکایت قیلیب و اسلام امیرلیگی دن بوتوغریده دقت قیلیش‌لرینی طلب قیلیشه‌دی.
مذکور تومن یشاوچیلریدن انزرگل و شریف‌الدین نینگ ایتیشلریچه، آی‌لردن بویان ساغلیک مسئوللری اوشبو تومن یشاوچیلری گه هیچ دقت قیلمه‌گن شونی اوچون، ینگی‌لیکده «کوک یوتل» کسللیگی ترقه‌لگن.
سیور تومنی یشاوچیسی انزرگل گه کوره: «کیچه کیچ قورون چقه‌لاغیم نینگ بیمارلیگی کوچه‌یدی. بو گَل کسللیکلر آلدی آلینیشی اوچون بیز ساغلیق‌نی سقلش ریاستی دن، ساغلیک مرکزلر ایجاد و باله‌لر واکسین بولیشینی ایسته‌یمیز»
بیزلرنینگ توییترده هم تعقیب قیلینگ!
سیور تومنی یشاوچیلریدن باشقه بیری شریف‌الدین نینگ ایتیشیچه: «اوتگن آلتی آی مابینیده بیر مرته واکسین کیلگن. تخمیناً بیر یریم هفته دن بویان بو قیینچیلیک تاپیلگن.»
کوک یوتل نفس آلیش بیمارلیک نینگ بیر توری دیر، صحی ایش بیلرمان‌لر نینگ ایشانچی گه کوره، آلتی هفته دن سکیز هفته گچه کسل نینگ تنه‌سیگه قاله‌دی و کوپراق ۵ یاشنی تولدیرمه‌گن و ایمینی سیستمی ضعیف باله‌لر اوشبو کسللیککه چلینه‌دیلر.