فاریاب ولایت مقامی تامانیدن نشر ایتیلگن خبرنامه‌ده ایتیلیشیچه، محمدداوود لغمانی فاریاب امنیتی و محلی رسمی‌لری و ولایتی کینگش باشلیغی حضوریده اوشبو ولایت ینگی حاکمی صفتیده تانیتیلگن.
فاریاب ولایت مقامی تامانیدن نشر ایتیلگن خبرنامه‌ده ایتیلیشیچه، فاریاب ینگی حاکمی نینگ تانیتیش مراسمیده اوشبو ولایت امنیتی مسوول‌لری، ولایتی کینگش باشلیغی و ۲۰۹ شاهین قورال اردو قومندانلیگی نینگ بیرینچی لوا قومندانی حضور تاپگن.
شونینگدیک، محلی ارگانلر مستقل اداره‌سی سوزلاوچیسی نرگس مومند نینگ توییتر صیحفه‌سیده یازیشیچه، بوگون “دوشنبه” ایرته‌دن چاغیده محمدداوود لغمانی اوشبو اداره اورین باسری صبغت‌الله غزنوی، فاریاب حربی مسوول‌لری و ولایتی کینگش باشلیغی حضوریده اوشبو ولایت ینگی حاکمی صفتیده تانیتیلگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
عین‌حالده، اعتراضچیلر فاریاب ولایت مقامی نینگ کیریش ایشیگی‌گه خیمه قوریش بیلن ولایت مقامی ایشیگی‌نی باغله‌گنلر. ایتیلیشیچه، فاریاب ولایت مقامی‌گه تیگیشلی بوتون جاده‌لر اعتراضچیلر تامانیدن باغلنگن.
اعتراضچی‌لردن کوپراغی ملی اسلامی جنبش حزبی رهبری مارشال عبدالرشید دوستم نینگ طرفدارلریدن دیر. اولر، محمدداوود لغمانی‌نی اوشبو ولایت‌گه حاکم صفتیده تعیین‌لنیشینی ایستمه‌یدیلر.
سلام‌وطندار اوزبیک بولیمی‌نی توییرده تعقیب قیلینگ
اعتراضچی‌لرنینگ ایتیش‌لریچه، داوود لغمانی فاریاب جغرافیاسی بیلن آشنا ایمس و امنیتی وضعیت یخشی‌لنیشی‌گه یاردم بیره آلمه‌یدی. اولر بوندن آلدین هم محلی اداره مسوول‌لری نینگ سیلاو آرقه‌لی انتخاب ایتیلیشی‌نی ایسته‌گن ایدی‌لر.
شونینگدیک، ملی اسلامی جنبش حزبی رهبری مارشال عبدالرشید دوستم طرفدارلری بیلن تلفون آرقه‌لی صحبت اوتکزیب اعتراض‌لریگه دوام بیریش‌لری اوچون بویروغ بیرگن «سنگرلرینگیزنی قوییب یوبارمنگ! لغمانی بو ولایتده توخته آلمه‌یدی، قاچیب کیته‌دی.»
بوندن آلدین نقیب‌الله فایق فاریاب حاکمی صفتیده فعالیت قیله‌ریدی. جناب فایق ۱۳۹۷- ییل سرطان آیی‌ده فاریاب حاکمی صفتیده تعیین‌لندی و کمیده ۳ ییل اوشبو ولایتده حاکم صفتیده فعالیت قیلدی.
