علی‌احمد بادغیس ده یوزلرچه آواره بولگن کیشی‌لردن بیری دیر. او مذکور ولایتده مهاجرلر کمپی ده یشه‌یدی. اونینگ ایتیشیچه، هر کون باله‌لری نینگ قارین‌لرینی تولدیریش اوچون، بیر لقمه نان نی کوتیب توره‌دی.
علی احمد نینگ ۵ فرزندی بار. اونینگ ایتیشیچه، اوروشلر، قوروقچیلیک و مملکتده‌گی سونگی اوزگریش‌لیکلر برچه بار و یوقی نی اوندن آلگن و حاضر ایسه یمان اقتصادی وضعیتده حیات کیچیره‌دیلر.
علی‌احمد نینگ آگاه‌لنتیریشیچه، بادغیس ده آواره‌لرنینگ وضعیتی گه توجه قیلینمه‌گن صورتده، یقیین کیله‌جکده انسانی فاجعه گه شاهد بولیش‌لری ممکن. «ییرلریمیز بار ایدی، ساتدیک؛ یعنی هیچ بیر نیرسه‌میز یوق. بیر اویی‌میز بار ایدی، او هم اوچ ییل جریانیده ویران بولدی.»
بیزلرنینگ فیسبوک صحیفه‌میزگه باش اورینگ!
بی‌بی‌ماه مهاجر بولگن‌لردن باشقه بیری دیر. اونینگ ایتیشیچه، اِیری کسل دیر و اویی ده یییش اوچون بیر لقمه نان هم تاپیلمه‌یدی. او ملی و خلق‌ارا نهادلر تامانیدن عاجل انسان‌دوستلیک یاردم‌لر ترقه‌تیلیشی نی سوره‌دی.
عین حالده، بادغیس ده اسلامی امارت فرهنگی اعضاسی مولوی بازمحمد سروری نینگ ایتیشیچه، اولر مذکور ولایت نهادلری بیلن اویغونلیک قیلیب، آواره بولگن عایله‌لرگه یاردم بیره‌دیلر.
بادغیس مسئوللری نینگ بیانات‌لری اساسیده، بو ولایتده ۱۳ مینگ‌دن آرتیق آواره عایله بار که قیین وضعیتده حیات کیچیره‌دیلر.
