آمریکا و طالبان آره‌سیده‌گی کیلیشوونامه قیته‌دن تیکشیریلیشی و طالبان گروهی نینگ القاعده بیلن علاقه‌سی بارلیگی خصوصیده، آمریکا تشقی ایشلر و مالیه وزیرلری بیانات بیرگن بیرحالده، ینگی‌لیکده آمریکا مدافعه وزیری نینگ ایتیشیچه، حربی کوچلر کمه‌یشی و بو کوچلر افغانستان و عراق ده قالیشی نی تیکشیره‌دی.
بولرگه علاوه، طالبان اعضالری منطقه مملکت‌لری اینیقسه ایران گه سفر قیلیشی، افغانستان سیاستچی‌لری و حکومتی رسمی‌لردن قطاری نینگ جمهوررئیس بیلن اوچره‌شیشی و دوحه ده تینچلیک سوزلشوولری نینگ توخته‌لیشی، تینچلیک پروسه‌سی نینگ نتیجه بیرمه‌یشی خصوصیده خواطرلرنی کوپه‌یتیرگن.
سیاسی ایش بیلرمان‌لردن قطاری نینگ ایشانچ‌لریگه کوره، تینچلیک سوزلشوولری بوتونلی اورته‌دن کیتمه‌سی ممکن، بیراق سوزلشوولرنینگ آرتده قالیش امکانی بار.
لغمان سابق حاکمی و سیاسی ایش بیلرمان‌لردن بیری آصف ننگ ایتیشیچه، آمریکا و طالبان آره‌سیده‌گی کیلیشوونامه کوپینچه قیینچلیکلر بیلن روپه‌رو بولگن کیم ترامپ نینگ سیلاوی ریکلامه‌سی اوچون تیزلیککه امضالنگن ایدی و حاضر بایدن نینگ حکومتی اونینگ قیته تیکشیریش نی ایسته‌یدی.
اونینگ ایتیشیچه، مذکور کیلیشوونامه گه طالبان گه کوپ امتیاز بیریلگن و طالبان هر بیر ایسته‌گی دنیا تامانیدن قبول‌لنیشی نی کوتیب تورگن.
شونده‌ی بیرحالده، طالبان گروهی نینگ سابق اعضاسی و سیاسی ایش بیلرمان حسن حقیار نینگ ایتیشیچه، زلمی خلیل‌زاد نینگ ایش گه دوام بیریشی آمریکالیکلر بو پروسه نینگ قیته‌دن باشله‌شی نی کورسته‌دی.
اونینگ ایتیشیچه، آمریکا و طالبان آره‌سیده‌گی کیلیشوونامه و آمریکا حربیلری نینگ قالیشی یا-ده کیتیشی نینگ تیکشیریلیشی، تینچلیک‌دن حمایت قیلیش و طالبان نینگ تینچلیک اوچون تشویق قیلیش دیر.
بونده‌ی بیاناتلر ارایه ایتیلگن بیرحالده، طالبان گروهی نینگ بیر هیأتی اوچ کوندن بویان ایران گه دیر و اولر مذکور مملکت رسمی‌لری بیلن تورلی موضوعلر حقیده سوزلشماقده.
عین حالده، اوتگن کون ملی مصالحه عالی کینگش باشلیغی عبدالله عبدالله نینگ ایتیشیچه، تینچلیک کیلیشی اوچون کوپینچه فرصتلر قولدن کیتمه‌یشی کیره‌ک.
اونگه کوره، طالبان محبوس‌لری نینگ برچه‌سی قوییب یوباریلیشی ممکن. مذکور گروه اعضالری نینگ آتی بیرلشگن ملتلر تشکیلاتی نینگ قاره رویخطی‌دن اوچیریلیشی ممکن. اونگه کوره، بیراق بو موضوعلر طالبان و افغانستان حکومتی کیلیشگندن کیین صورت تاپه‌دی.
