کابل شهری دشت‌برچی منطقه‌سیده «فروشگاه» بیکتی اهالیسی‌دن قطاری، «مروارید» اسملی کوپریک آستیده مخدره ماده گه چلینگن کیشی‌لر نینگ توپلنیشی‌دن شکایت قیلیب سلام‌وطندار گه ایتیشلریچه، کون اوتیشی بیلن پایتخت نینگ مذکور بولیمی‌ده مخدره ماده گه چلینگن کیشی‌لر سانی کوپه‌یه‌دی و اوشبو کیشی‌لر اوغریلیک و اذیت قیلیش بیلن، اولر نی بیضاوطه قیله‌دی.
دشت‌برچی نینگ فروشگاه بیکتی یشاوچیسی بسم‌الله، بو ساحه‌ده مخدره ماده گه چلینگن کیشی‌لر سانی کوپه‌یگنی‌دن خواطر بیلدیریب ایتیشیچه، نیچه مدت‌دن بویان مذکور ساحه‌ده مخدره ماده گه چلینگن کیشی‌لر سانی کوپه‌یگن و محل یشاوچیلری نی بیضاوطه قیلگن. اونینگ کوپه‌یتیریشیچه: «اوشبو منطقه‌ده اوچ-تورت کوپریک بار که، اولردن برچه‌سیده معتاد‌لر توپلنگن و ایرتنگ‌دن آخشم‌گچه دود قیله‌دیلر. کوپ قیین بیر وضعیت‌ده قالگن‌میز، نه کیچه آرام‌میز و نه کوندوز. کوپریک آستی مخدره ماده گه چلینگنلر بیلن تولگن. پل سوخته نینگ باغله‌گنلریدن بیری، مخدره ماده گه چلینگن کیشی‌لر سانی کوپه‌یگن و اولر نینگ آره‌سیده عیال‌لر هم شامل دیر.»
بیزلرنینگ توییترده هم تعقیب قیلینگ!
فروشگاه ایستگاه‌سیده‌گی دکان‌دارلردن دین‌محمد نینگ ایتیشیچه، «مروارید» کوپریگی آستیده مخدره ماده گه چلینگنلر سانی، ۱۵۰دن آرتیق دیر و اولر نی سانی کون اوتیشی بیلن کوپه‌یه‌دی، بو کوپریک نی باشقه پل سوخته گه اوزگرتیرگنلر. مذکور دکان‌دار نینگ کوپه‌یتیریشیچه: «حاضر اوشبو کوپریک پل سوخته گه اوزگرگن. کونده مذکور کیشی‌لر نی بو ییردن چیقره‌میز؛ چیقرمه‌گنی‌میز پیتده، سانلری کوپه‌یه‌دی؛ بیراق ینه هم کیله‌دیلر. ایرتنگ‌دن توش‌گه قدر سانلری کوپ دیر و توش‌دن کیین قیته کوپه‌یه‌دیلر.»
فروشگاه بیکتی یشاوچیلریدن باشقه بیری ساره نینگ ایتیشیچه، مخدره ماده گه چلینگنلردن کوپینچه‌سی نی ییگیت‌لر تشکیل بیره‌دی، نیچه مرته اویی گه کیریب نرسه‌لری نی آلیب کیتگنلر. اونینگ کوپه‌یتیریشیچه: «بو کیشی‌لر اوچون کوپ قیین وضعیت‌ده قرار تاپگن‌میز. بایسکل نی حویلی ایچیدن آلیب کیتدیلر؛ حویلی گه کیرگنلری پیتده، قوللری گه کیلگن نرسه نی آلیب کیته‌دیلر. باشقه بیر تامان‌دن باله‌لریمیز نینگ مذکور ماده گه چلینیشی اوچون خواطر‌ده‌میز.»
پایتخت اوشبو بولیم یشاوچیلری نینگ کوپه‌یتیریشلریچه، نیچه مرته خواطرلری نی تیگیشلی مسئوللر بیلن شریک قیلگنلر؛ بیراق حاضرگچه بو وضعیت نی حل قیلمه‌گنلر. فروشگاه ایستگاه‌سی یشاوچیلردن علی‌محمد نینگ ایتیشیچه: «بعضی پیت‌لر پلیس کیله‌دی و مذکور کیشی‌لر قاچه‌دی؛ لیکن حاضرگچه جدی شکلده یانده‌شمه‌گنلر و بو کیشی‌لر نینگ توپلنیشلری اوچون هیچ قنده‌ی اقدام صورت تاپمه‌گن که، مذکور کیشی‌لر نینگ توپلنیشی بیلن اهالی راحت حیات کیچیرسین.»
شوندهی بیرحالده، ایچکی ایشلر وزیرلیگی مسئوللری نینگ ایتیشلریچه، اوشبو وزیرلیک نینگ مخدره ماده گه قرشی کوره‌ش معینیتی، کابل شهری نینگ تورلی بولیم‌لری اینیقسه دشت‌برچی‌‌دن مخدره ماده گه چلینگن کیشی‌لر نی توپله‌یشلری ممکن.
بیزلرنینگ فیسبوک صحیفه‌میزگه باش اورینگ!
مذکور وزیرلیک سوزلاوچی اورین‌باسری بسم‌الله حبیب نینگ سلام‌وطندار گه ایتیشیچه: «معتاد‌لر نینگ توپله‌ش کمپاینی بوتون مملکت اینیقسه کابل‌ده دوامی بار. بو کیشی‌لر قییرده کوریلگنی صورت‌ده، مخدره ماده گه قرشی کوره‌ش معینیتی اوشبو کیشی‌لر نی توپله‌یدیلر. اولر نینگ توپلنیشی اوچون جدی قرار آلگن‌میز. کابل نینگ غرب تامانی بولسین یا-ده باشقه هر ییر، اولر نی توپله‌یمیز.»
ایچکی ایشلر وزیرلیگی مسئوللری اوتگن بیر ییل‌ده کابل شهری‌دن مخدره ماده گه چلینگنلر نینگ توپله‌یب و درمانی مرکزلر گه انتقال بیریلگنی نی ایتگنلری بیرحالده، دشت‌برچی منطقه‌سیده فروشگاه بیکتی یشاوچیلری، اوشبو ساحه‌ده مخدره ماده گه چلینگنلر سانی نینگ کون اوتیشی بیلن کوپه‌یشی‌دن شکایت قیلگنلر.
