افغان قیزیلآی جمعیتی نینگ عامه رابطه‌لر رئیسی غلام‌حبیب حسن حسام، بوگون (سه‌شنبه، ۲۳-جوزا)، کابل ده یولگه قوییلگن بیر ییغین‌ده ایتیشیچه، ملک سلمان انسان‌پرورلیک یاردم‌لر اداره‌سی، افغانستان ده خلق‌ارا البصر نهادی آرقه‌لی کابل و قندهار ده کوز کسل‌لیگی گه چلینگن نیازمند کیشی‌لر گه درمان بولیش زمینه‌سی نی یره‌ته‌دی.
اونگه کوره، حاضر ایسه دارو و کوز آینککه نیازی بولگن ۸ مینگ کسل نینگ درمان بولیش زمینه‌سی یره‌تیلگن و کوزی آغیر آغریگن ۸۰۰ کسل عملیات بوله‌دی.
بیزلرنینگ توییترده هم تعقیب قیلینگ!
حسن حسام نینگ کوپه‌یتیریشیچه، بو آره‌ده درمان گه نیازی بولگن تورت مینگ کیشی‌دن و عملیات بوله‌دیگن کسل‌لردن، ۴۰۰ ته‌سی کابل و باشقه‌سی ایسه قندهار گه اختصاص بیریلگن.
خلق‌ارا البصر نهادی نینگ عمومی مدیری رضوان‌احمد بلوچ نینگ ایتیشیچه، اوشبو برنامه نینگ باشقه ولایت‌لرده هم تطبیق بولیشی ممکن.
شونده‌ی بیرحالده، کوز کسل‌لیگی گه چلینگن یشاوچیلردن قطاری، یاردم بیرووچی نهاد‌لردن افغانستان نینگ ساغلیق سکتوری بیلن کوپراق همکارلیک قیلیش‌لری نی ایسته‌گنلر.
بیزلرنینگ فیسبوک صحیفه‌میزگه باش اورینگ!
افغان قیزیلآی جمعیتی کسل‌خانه‌سی گه درمان اوچون کیلگن کابل یشاوچیسی عبدالمطلب نینگ ایتیشیچه: «تداوی قیلدیگن ایدیم؛ بیراق کوزیم نی کوپراق قره‌شتیریش اوچون امکانیتیم یوق ایدی.»
خلق‌ارا البصر نهادی مسئوللری نینگ ایتیش‌لریچه، پنجشیر، هرات و افغانستان نینگ اوزاق منطقه‌لریده هم کوز کسل‌لیگی گه چلینگن کمبغل یشاوچیلر نینگ درمان بولیشی خصوصیده، بیر قطار برنامه‌لر نی یولگه قوییش‌لری ممکن.