قشاقلیک و ایش‌سیزلیک هر ییل کوپینچه ییگیت‌لرنی مملکت نی ترک قیلیش گه زورلنتیره‌دی و اولر یارقین بیر کیله‌جک امیدی بیلن باشقه مملکت‌لر تامان کیتیشه‌دی. بولردن بعضی‌لری ایسته‌کلریگه ایریشیش اوچون قانونی یوللرنی تعقیب قیله‌دی، بیراق باشقه بیر قطاری ایسه، مالی قیینچیلیک باعث مهاجرلیک اوچون ناقانونی یوللرنی تنله‌یدی.
۱۸ یاشر بارز (مستعار آت) شو ییگیت‌لردن بیری دیر. بارز بوندن آلدین کریکت نینگ آکادمی‌لریدن بیری ده تعلیم بیلن شغللنگن ایکن، بیراق حیات نینگ قیینچیلیک‌لری، اونینگ مهاجرلیککه یوز کیلتیریب و ترکیه تامان یول آلیشی گه سبب بولگن.
بارز نینگ آرزولری سیوملی سپورتی (کریکت) نی افغانستان ده اورگه‌نیش دیر که قشاقلیک بو فرصت نی اوندن آلگن و اونینگ اوشبو رویاسی حقیقت گه اوزگرمه‌گن.
بیزلرنینگ فیسبوک صحیفه‌میزگه هم باش اورینگ!
بارز نینگ ایتیشیچه: «کریکت اوینه‌ب و افغانستان ده خذمت قیلیش نی کوپ ایسته‌گن ایدیم. اقتصاد ضعیف ایدی، او ییرده قاله آلمه‌دیم. کریکت نی کوپ سیوگنیم اوچون، آکادمی گه کیتیدیم. آکادمی پول آلیدی و تمرین قیلیدم. ایکی ییل آکادمی گه اوینه‌دیم، بیزلرنینگ رسمی بیله‌شوولرگه هیچ شانس بیرمه‌دیلر. غیررسمی بیله‌شوولرگه کوپ شرکت قیلگن من.»
بارز نینگ مهاجرلیک حکایه‌سی بو ییرده یکونلنمه‌یدی. اونینگ ناقانونی مهاجرلیک یوللریدن کوپ اَچیق خاطره‌لری بار؛ طالبان نینگ پسترمه‌سیدن، چیگره کوچلر تامانیدن اوق آتیلیشی و نیچه کون آچ‌لیک نی تجربه قیلیش گچه. بارز نینگ ایتیشیچه: «نیمروز گه ییتیشگن ایدیم، طالبان سرک‌لرنی بند قیلگن ایدی، هر مرته کیتگنی‌میزگه، پسترمه گه دوچ کیلیدیک. یولیمیزدن پولیس چیقیدی، ایکی اوچ کون تاغ و تاش‌لرده آچ و سووسیز، اوستیمیزگه هم قار یاغیدی و هم یامغیر.»
مهاجرلیکدن آلدین هر بیر مهاجرنینگ رویاسی، یخشی بیر حیات گه قول تاپیش بولیشی ممکن؛ بیراق عایله و اورتاق‌لردن اوزاق بولیش، اولرنینگ آزالنتیره‌دیگن دردلردن دیر. بارز نینگ عایله‌سی هم ناقانونی شکلده کیتیشی گه راضی ایمس ایکن و اونینگ اوزاقلیگی نی تحمل قیلیش اولرگه قیین ایکن.
بارز نینگ ایناغه‌سی بهیر گه کوره: «۱۹ یاشر دن قویی کریکت تیمی گه تنلنگنیدن کیین، اونگه شانس بیریلمه‌گن. او هر نرسه دن ناامید بولگن ایدی. مین حاضر هم اونینگ اوشه تامان گه بولگنی گه راضی ایمس من؛ یعنی بیر ایناغه نینگ یانینگدن کیتیشی کوپ قیین دیر.»
مهاجرلر وزیرلیگی نینگ رسانه بولیمی مصلحتچیسی سیدعبدالباسط انصاری نینگ ایتیشیچه، حاضر کمیده ۲۰۰ مینگ افغانستانلیک مهاجر ترکیه‌ده یشه‌یدی و قانونی حجتی بولمه‌گن مهاجرلر او ییر ده کوپ قیینچیلیک‌لربیلن روپه‌رو دیر.
بیزلرنینگ توییترده هم تعقیب قیلینگ!
ییل‌لرچه اوروش، ناتینچلیک و ایش‌سیزلیک مملکت یشاوچی‌لری نینگ قطاریدن رواجله‌نیش فرصتی نی آلگن. حاضر مهاجرلردن کوپینچه‌سی افغانستان وضعیتی یخشی‌لنیشی نی کوتیب تورگن؛ شونینگدیک بارز هم بو آرزو گه ایریشیش نی کوتیب تورگن.
بارز نینگ کوپه‌یتیریشیچه: «افغانستان وضعیتی یخشی‌لنگن صورتده، هر اولکه گه هم که بولسم قیته افغانستان کیله‌من. کریکت نی دوام بیره‌من و ملی تیم گه اوینه‌ش نی ایسته‌یمن. یگانه آرزویم افغانستان وضعیتی یخشی‌لنیشی و مین قیته‌دن کریکت تیمی گه کیلیشم دیر.»
افغانستان کریکت ملی تیمی اعضالیگی نی قولگه کیلتیریش بارز گه حقیقت گه اوزگرمه‌یدیگن بیر رویا گه اوخشه‌یدی؛ چونکه اونینگ ترکیه‌ده کریکت اوینه‌ش فرصتی یوق و شونینگدیک افغانستان ده هم بو فرصت اوندن آلینگن. حاضر بارز رقیب نینگ میدانی گه کریکت توپی نی آتیش اورنیده، حیات گه قالیش اوچون خیاط‌لیک چرخی نی قیمله‌تیشی کیره‌ک.
