کابل شهری نینگ غربی قسمی دشت‌برچی ده کاج تعلیمی مرکزی گه اویوشتیریلگن قانلی هجوم دن بیر ییل اوتگچ، اوشبو واقعه طفیلی روحی قیینچیلیککه چلینگنلر حاضرگچه ساغلمه‌گن.
۱۴۰۱-ییلی ۸ میزان ده، کاج تعلیمی مرکزی گه قوراللی هجوم باعث یره‌لنگن قطار اوقووچیلر نینگ ایتیشلریچه، اوشبو واقعه طفیلی جسمی و روحی قیینچیلیککه چلینیب و حاضرگچه کونده‌لیک ایشلرینی اساسی روشده بجره آلمه‌یدیلر.
اوشبو گزارش ده، کاج تعلیمی مرکزی گه اویوشتیریلگن هجوم باعث یره‌لنگن آلتی کیشی و باشقه تورت یره‌دار کیشی نینگ عایله اعضالری بیلن صحبت قیلینگن، مذکور واقعه طفیلی یره‌دار توقیز کیشی کونده‌لیک ایشلرینی بجریش گه قیینچیلیک بیلن روپه‌ره بولیش‌لرینی ایتگنلر.
اوتگن ییلی کاج تعلیمی مرکزی ده بولگن هجوم باعث نیچه جایی دن یره‌لنگن مصطفا امینی، حاضر هم چپ ایاغی ده بیر چره قالیب و فزیکی آغیر ایشلرنی بجره آلمه‌یدی، سلام‌وطندار گه ایتیشیچه، کاج واقعه‌سیدن کیین جمعیت دن چیکله‌نیب و حیاتی اوستیگه سلبی تأثیر قیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بو حادثه مینگه جسمی زیان ییتکیزدی، اوتمیش ده بولگن حیاتیم حاضر یوق حتا اوشبو واقعه عامللری تاپیلسه هم دردیم درمان بولمه‌یدی.»
کاج تعلیمی مرکزی ده اویوشتیریلگن هجوم باعث یره‌لنگنلردن باشقه بیری مریم نظری نینگ ایتیشیچه، مذکور قانلی واقعه دن کیین حیاتی اوزگرگن.
اونگه کوره: «حادثه دن بیری یخشی یوره آلمه‌ی من، کییم_کیچک یوو آلمه‌ی من، فکریم جایی ده ایمس؛ سابق کبی درس اوقیش یا که اوی ایشلرینی بجریش گه توانیم یوق، یوره‌گیم آغریدی. باش آغریق دن قوتیلیش اوچون انگلیسچه کورس آلدیم، لیکن آلغه آلیب باره آلمه‌ی و قویباردیم.»
کاج تعلیمی مرکزی قیز اوقووچیلریدن بیرقطاری نینگ عایله اعضالری، قیزلری آغیر یره‌لنگنی باعث درمان اوچون چیت ایل گه آلیب باریلگن ایتیشلریچه، قیزلری اوتگن بیر ییل ده مملکت و چیت ایل ده نیچه مرته عملیات بولسه ده، لیکن حاضرگچه ساغلمه‌گنلر.
اوتگن ییلی کاج تعلیمی مرکزی ده هجوم باعث ۴۰ فایز ایشیتیشنی قولدن بیرگن فاطمه سروری و ناردانه محمدی نینگ ایناغه‌سی الله‌یار راسخ، حاضر اسپانیا ده دوالنماقده‌لر ایتیشیچه، ایکیله سینگلیسی کونسه‌یین امیدلرینی قولدن بیرماقده‌لر.
او نینگ ایتیشیچه: «ایکیله قولاغ‌لری نینگ پرده‌سی ییرتیلگن، بیز قونغراق قیلگن حالده اولر نینگ روحیه‌سی اوستیگه تأثیر قیله‌دی. بو ییرده‌لیک پیت‌لریده ایش قیلیش توان‌لری یوق ایدی.»
بیزلرنینگ «ایکس» ترماغی ده هم تعقیب قیلینگ!
شونینگدیک، کاج تعلیمی مرکزی حادثه‌سیده بیر کوزدن عاجز بولگن فاطمه امیری نینگ سینگلیسی فریده امیری گه کوره، تورکیه ده تحصیل قیلماقده، بیراق کوزدن عاجز بولیشی باعث درس‌لری گه یخشی‌لیک بیلن ایته آلمه‌یدی: «سینگلیم کوز دن عاجز بولگنی اوچون حتا کانکور سیناوینی اوتکزیش گه تیار ایمس ایدی، بیراق عایله‌میز نینگ ترغیبی باعث امتحان بیردی، اوتمیش ده کمپیوتر ایشلری بیلن یخشی بلد ایدی و موبایل ده درس اوقیر ایدی لیکن حاضر قیله آلمه‌یدی، چونکه واقعه باعث قان کیلگن کوزی آغریدی.»
کاج هجومی باعث یره‌لنگنلر نینگ عایله اعضالری گه کوره، اوتگن ییل ده‌گی واقعه قیزلری نینگ حیاتی اوستیگه سلبی تأثیر قیلگن.
کاج تعلیمی مرکزی مسئولی نجیب‌الله نجیب نینگ ایتیشیچه، اوتگن ییلی اوشبو مرکز ده هجوم باعث آغیر یره‌لنگنلردن قریب ۱۵ ته‌سی دوالنیش اوچون چیت ایل گه یوباریلگنلر.
اونگه کوره: «واقعه طفیلی کوپراق قیزلر قربان بولگن ایدیلر، اولردن بیرقطاری مملکت ده دوالندی و یره‌لری آغیر بولگنلردن قطاری پاکستان، تورکیه و اسپانیا گه یوباریلگنلر.»
کاج تعلیمی مرکزی تامانیدن بیریلگن معلومات اساسیده، اوتگن ییلی اوشبو مرکز ده اویوشتیریلگن خودکش هجوم باعث، ۵۳ کیشی هلاک بولیب و باشقه ۱۲۰ دن آرتیق کیشی یره‌لنگنلر و اولر نینگ اکثریتینی قیز اوقووچیلر تشکیل بیره‌دی.
