هرات یشاوچیلریدن بیرقطاری، اوشبو ولایت مرکزی ده ایشچی بالهلر سانی کوپه‌یشیدن خواطر بیلدیریب ایتیشلریچه، مذکور بالهلر چیقیندیلر ایچیدن پلاستیک و قاغذ ییغیش ایشلری بیلن مصروف دیر. هرات یشاوچیلری گه کوره، بالهلر نینگ درس اوقیشی کیره‌ک و اولر نینگ شاقه ایشلر بیلن مصروف بولیشی، کیینگی نسل‌لر نینگ کیله‌جگینی تهدید قیله‌دی.
هرات یشاوچیسی علی‌احمد نوری نینگ سلام‌وطندار گه ایتیشیچه: «کوپ سانده بالهلر سرپرست‌سیز دیر و دولت بوتوغریده دقت قیلیب و اولر گه اوقیش و تعلیم زمینه‌سینی یره‌تیشی کیره‌ک.»
هرات ده‌گی بالهلر، کمبغل‌لیک و اقتصادی قیینچیلیک باعث موتر یوویش، چیقیندی پلاستیک و باشقه نرسه‌لرنی ییغیش کبی شاقه ایشلر بیلن مصروف دیر.
بیزلرنینگ فیسبوک صحیفه‌میزگه باش اورینگ!
۸ یاشر حکمت‌الله، ایرته‌لب دن آخشم‌گچه هرات شهری سرک‌لریده یشاوچیلر نینگ بوت‌لرینی رنگ قیلیش بیلن مصروف دیر ایتیشیچه، هر کونی ۷۰ و ۸۰ افغانی ایشلب و برچه پولینی عایله اعضالری نینگ نفقه‌سینی تأمینلش اوچون صرفله‌یدی.
او نینگ کوپه‌یتیریشیچه: «آته‌م وفات ایتگن و مین عایله اعضالریم نینگ نفقه‌سینی تأمینلش گه مجبور من، ایشله‌گن پول بیلن اوی گه نان آلیب باره‌من، میندن کوره کیچیک‌راق اوکم هم چیقیندی پلاستیک ییغه‌دی و تاپگن پولی گه اوی اوچون کچالو و باشقه نرسه ساتیب آله‌دی.»
حکمت‌الله، یشاوچیلر نینگ بوت‌لرینی رنگ قیلسه ده، بیراق مکتب باریب و درس اوقیشنی اویله‌یدی، هرات شهری ده او کبی باشقه اونلب باله نینگ یگانه آرزوسی مکتب باریش دیر، لیکن نان غمی و اقتصادی قیینچیلیک، اولر نینگ درس اوقیش اونگیده‌گی یگانه معما.
عایله‌سی فاریاب دن هرات گه کیلگن ایشچی باله‌لردن باشقه بیری سردارولی نینگ سلام‌وطندار گه ایتیشیچه، اقتصادی قیینچیلیک باعث آته‌سی ایران گه سفر قیلگن و حاضر یالغیز اوزی عایله اعضالری نینگ نفقه‌سینی تأمینلش گه مجبور دیر.
اونگه کوره: «ییتی کیشی‌میز، چیقیندیلر ایچیدن پلاستیک ییغیب و بیر آز پول تاپیش اوچون ایرته‌لب وقت اوی دن چیقه‌من.»
عین‌حالده، ایش بیلرمان‌لر و اجتماعی فعاللر، ایشچی بالهلر سانی کوپه‌یشینی یخشی کیله‌جک اوچون خواطرلی عنوان قیله‌دیلر.
اجتماعی فعاللردن فرشته یعقوبی گه کوره: «وضعیت شونده‌ی دوام تاپگن تقدیرده، افغانستان کیله‌جگی خطر گه دوچ بولیشی ممکن، بوگون ایش قیلووچی باله بولسه‌لر، کیله‌سی کون تورلی خیل جنایی ایش‌لرنی قیلیشلری ممکن..»
بیزلرنینگ توییترده هم تعقیب قیلینگ!
هرات ده باله‌لردن حمایت قیلووچی نهادلر گه علاوه، اوشبو ولایت نینگ ایش و اجتماعی ایشلر ریاستی بالهلر قیینچیلیگی حلی اوچون دقت قیلیشی کیره‌ک.
مذکور ریاست اوتگن ییلی ایشچی باله‌لردن بیرقطارینی ییغیش جریانینی باشلب و بیر قطارینی ییققن ایدی؛ بیراق مذکور بالهلر نینگ تقدیری همان نامعلوم قالماقده.
سلام‌وطندار بیلن صحبت اوتکزگن هرات ایش و اجتماعی ایشلر باشلیغی حافظ ابو منصور گه کوره، اوشبو ولایت نی ایشچی باله‌لردن تازه‌له‌یدی.
او نینگ ایتیشیچه: «کیله‌جک ده مؤسسه‌لر آرقه‌لی ۱۲ مینگ دن ۲۰ مینگ باله نی ییغیب اولر گه معاش، اوقیش و ایش زمینه‌سینی یره ته‌میز.»
عین‌حالده، باله‌لردن حمایت قیلووچی نهادلر نینگ معلوماتی اساسیده، افغانستان بالهلر اوچون اینگ خوفلی مملکت تانیلگن.
