دایکندی ده چاروهدارلردن قطاری نینگ ایتیشلریچه، اوشبو ولایتده «لمپی اسکین» کسل‌لیگی نینگ ترقهلیشی، اونلب باش سیگیرلری نینگ تلف بولیشی گه سبب بولگن.
اولر نینگ کوپه‌یتیریشلریچه، دایکندی ده چاروهدارلردن کوپ قطاری نینگ لمپی اسکین حقیده ییترلیچه معلوماتی یوق و اولرنی کوپینچه قیین‌چیلیک بیلن روپه‌ره قیلگن.
دایکندی نینگ سنگ‌تخت‌وبندر تومنی‌ده‌گی چاروهدارلردن علی‌رضا نینگ ایتیشیچه، حاضرگچه اوشبو تومن‌ده تورت باش سیگیری لمپی اسکین کسل‌لیگی گه چلینیب تلف بولگن دیر.
اونگه کوره، لمپی اسکین کسل‌لیگی بیرینچی‌ده سیگیر نینگ ایاغی نی چلینتیره‌دی و کیین ایسه، آبله و شیشماققه سبب بولیب و نیچه کون‌دن کیین، حیوان نینگ بوتون تنی گه ترقه‌‌‌له‌دی.
بیزلرنینگ فیسبوک صحیفه‌میزگه باش اورینگ!
علی‌رضا نینگ کوپه‌یتیریشیچه: «کوپراق سوتی بولگن سیگیرلر نی توته‌دی و بوزاق‌لر نی کوپراق توتیب و تلف قیلگنی یوق. بیر هفته آلدین اوشبو کسل‌لیک‌دن واکسین کیلگن ایدی، سیگیرلر نی واکسین قیلدیک و محلی شفاکارلر گه هم باردیک؛ بیراق نتیجه بیرمه‌گن.»
دایکندی یشاوچیسی طیبه نینگ ایتیشیچه، چاروهچیلیک اونینگ عایله خره‌جتی نی تامین قیله‌دیگن یالغیز یول دیر و حاضر ایسه ایکی باش سیگیری لمپی اسکین کسل‌لیگی گه چلینیب و بیر باش سوتی بولگن سیگیری و ایکی بوزاقی اوشبو کسل‌لیککه چلینگن و انه شوو سبب، قیین‌چیلیک بیلن روپه‌ره دیر.
اونینگ کوپه‌یتیریشیچه: «ایسیق چیقرگن ایدی. ایکی کون اوتدی، ییلاو گه آلیب بارگنیمیزدن کیین برچه تیری گه دانه چیقگن. برچه تنی گه دانه چیقگن و آغیزیدن قان کیله‌دی.»
دایکندی ده چاروهدارلر، یاردم بیرووچی نهادلر و مسئوللردن حیوان‌لر آره‌سیده لمپی اسکین و باشقه کسللیکلر حقیده اولر گه معلومات بیریب و اوشبو کسللیکلر آلدی آلینیشی و درمانی خصوصیده یاردم بیریشلری نی ایسته‌گنلر.
تیری آستیده دانه‌لر، یره، اشتها‌سیزلیک، کوز و آغیزیدن سوو کیتیش، جدی ایستمه و شیشماق، لمپی اسکین کسل‌لیگی نشانه‌لریدن دیر.
وترینرلر نینگ ایتیشلریچه، لمپی اسکین کوپراق سیگیرلر چیلینه‌دیگن یوقمه بیر کسل‌لیک دیر و درمان بولمه‌گنی صورتده، اولر نینگ اولیمی گه سبب بوله‌دی.
دایکندی ده وترینرلردن حبیب کریمی نینگ ایتیشیچه: «سنگ‌تخت‌وبندر تومنی‌ده ۴۰ باش سیگیر، لمپی اسکین کسل‌لیگی گه چلینگن. بیرینچی‌ده اوشبو کسل‌لیککه چلینگن سیگیرلر درمانی ۷۰ فایز دیر؛ بیراق حیوان تیریسی نینگ شیشیشی کوپه‌یشی، درمان بولیش امکانی نی کمه‌یتیره‌دی.»
اونگه کوره، چاروهدارلر گه معلومات بیریش، لمپی اسکین‌گه قرشی ایملش، نظافت نی رعایت قیلیش و لمپی اسکین‌گه چلینگن حیوان نی قرنطینه قیلیش، اوشبو کسل‌لیک آلدی آلینیش اصول‌لریدن دیر.
بیزلرنینگ توییترده هم تعقیب قیلینگ!
دایکندی ایکینچیلیک، سووغاریش و چاروهچیلیک ریاستی مسئوللری نینگ ایتیشلریچه، اوشبو ولایتده مذکور کسل‌لیک نینگ موجود بولگنی بیلن؛ بیراق حاضر ایسه اونینگ ترقه‌لیش سرعتی کمه‌یگن.
دایکندی ایکینچیلیک ریاستی نینگ حیوانی ساغلیق بولیمی مدیری محمد‌عزیز شریفی نینگ سلام‌وطندار گه ایتیشیچه، اوتگن ییل مذکور ولایت حیوان‌لری آره‌سیده لمپی اسکین کسل‌لیگی ترقه‌لدی و دایکندی ولایتی نینگ بیر قطار بولیم‌لریده اوشبو کسل‌لیککه قرشی ایملش بیلن، کوپراق ترقهلیشی آلدی آلیندی.
اونینگ کوپه‌یتیریشیچه: «اوتگن ییل بیرینچی مورد شهرستان تومنی‌ده کوریلدی. حاضر ایسه ساحه‌لرده واکسین تطبیق و کسل‌لیک کنترول بولگن. میرامور تومنی ساحه‌سیده و سنگ‌تخت‌وبندر تومنی‌ده بیراز قالگن. بوندن آلدین واکسین تطبیق بولگن ساحه‌لرده کسل‌لیک کوریلمه‌یدی.»
لمپی اسکین سیگیرلر آره‌سیده ویروسی کسل‌لیک دیر و تیری نینگ شیشی بیلن، حیوان نینگ ضعیف بولیشی، اشتها‌سیزلیگی، سوتی قوریشی و نهایت اولیمی گه سبب بوله‌دی.
