بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری یا-ده (UNHCR)، افغانستان ده یوز بیرگن سونگی سووتاشقینلر نتیجه‌سیده ۱۰ مینگدن آرتیق اوی نینگ ویران بولگنی‌دن خواطر بیلدیرگنی بیلن بیرگه، ولایت‌لرده سوو تاشقینلردن زیان کورگنلردن قطاری نینگ ایتیشلریچه، ولایت‌لریده یوز بیرگن سوو تاشقینلردن نیچه هفته اوتگنی بیلن؛ بیراق حاضرگچه باش‌پنه، ایچیم‌لیک سوو، آزیق-آوقت و حیات نینگ باشقه دستلبکی امکانیتلریگه قول تاپه آلمه‌گنلر.
بغلان، غور و بدخشان ولایت‌لریده سوو تاشقینلریدن زیان کورگنلر نینگ ایتیشلریچه، حاضر ایسه ییترلی ایچیم‌لیک سوو و آزیق-آوقت‌دن فایده‌لنه آلمه‌ی، کوپ قیین بیر شکلده ساووق کیچه‌لر و ایسیق کونلر نی چادرلر آستیده اوتکزماقده‌لر.
بیزلرنینگ «ایکس» ترماغی ده هم تعقیب قیلینگ!
بغلان ولایتی «دهنه‌ی لرخواب» یشاوچیسی محمدچمن نینگ ایتیشیچه، سونگی سوو تاشقینلردن برچه نرسه‌سی نی قولدن بیرگنی‌دن کیین، حاضر چادر آستیده حیات کیچیرماقده. اونینگ کوپه‌یتیریشیچه: «قریب ۵۷ عایله بو ییرده حیات کیچیره‌ر ایدیک، اویی‌میز بار ایدی، مسجد و باغیمیز بار ایدی. چاروه‌لریمیز بار ایدی. سوو تاشقینی یوز بیرگنی بیلن برچه نرسه‌میز سوو گه کیتدی. ۵۳ عایله بیجا بولدیک و حاضر چادر آستیده حیات کیچیره‌میز؛ هوا هم کوپ ایسیق، سوو اوی‌ده قینه‌یدی و ایچیم‌لیک سوو هم یوق.»
شونینگدیک غور یشاوچیسی حفیظ‌الله نینگ ایتیشیچه: «سوو تاشقینی کیلگنی‌ده قاچدیک، حاضر نه سووی‌میز بار و نه آزیق-آوقتی‌میز. کیچه‌لر ساووق و کونلر ایسیق دیر. اوشبو چادر ایچیده اولتیرگن‌میز. ایش هم تاپیلمه‌یدی.»
شورقم بدخشان یشاوچیسی جبار نینگ ایتیشیچه، اوشبو ولایت‌ده سوو تاشقینلردن زیان کورگنلر عاجل انسان‌پرورلیک یاردم‌لر گه نیازلری بار. اونینگ کوپه‌یتیریشیچه: «سوو تاشقینی یوز بیرگنی‌ده برچه نرسه‌میز نی آلیب کیتدی؛ اویی‌میز نی سیل آلیب کیتدی و حاضر یقین‌داشلریمیز نینگ اویی‌ده حیات کیچیره‌میز؛ کوپینچه قیین‌چیلیک بیلن روپه‌ره‌میز، ایچیم‌لیک سووی‌میز یوق، دولت نینگ یاردم بیریشی نی کوتیب تورگن‌میز.»
شونده‌ی بیرحالده، بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری یا-ده (UNHCR)، سه‌شنبه کونی، ۱۲-سرطان، اوشبو تشکیلات نینگ رسمی سایتی گه بیر گزارش ترقه‌تیش بیلن ایتیشیچه، افغانستان نینگ غرب، شمال و شمال‌شرق بولیم‌لریده یوز بیرگن سونگی سوو تاشقین‌لر و یاغیشلر، ۱۰ مینگ ۵۸۳ اوی گه زیان ییتیشتیرگن. مذکور تشکیلات نینگ گزارشی‌ده کیلیشیچه: «افغانستان نینگ شمال‌شرقی منطقه‌لریده، کمیده ۴۱۶۳ اوی، شمال ده ککیده ۲۱۳۷ اوی، غرب ده کمیده ۴۲۸۳ اوی زیان کوریب و نابود بولگن. بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری نینگ دستلبکی تیکشیرووی گه کوره، سوو تاشقین‌لر کینگ بیر شکلده عمومی آستقورمه‌لر، مرکزلر، سوو ییتکزیش ترماقلر و تعلیمی امکانیت‌لر گه زیان ییتیشتیریب و ۲۲۰۰دن آرتیق جریب ییر نی اورته‌دن کیتکزگن.»
بیزلرنینگ فیسبوک صحیفه‌میزگه باش اورینگ!
مذکور نهاد نینگ کوپه‌یتیریشیچه، سوو تاشقینی افغانستان شمال و شمال‌شرقی‌ده، بیش‌مینگ ۵۰۰ عایله‌نی حیات کیچیریش فعالیت‌لری‌دن فایده‌لنیشدن محروم قیلگن. بولرگه علاوه، بیرلشگن ملت‌لر تشکیلاتی نینگ قاچقین‌لر ایشلری بوییچه عالی کمیساری زیان کورگنلردن حمایت قیلیش و باش‌پنه تامین‌لش اوچون ۱۴ میلیون ۶۰۰ مینگ دالر بودجه ایسته‌گن.
حادثه‌لر گه ییتیشیش بوییچه دولت وزیرلیگی سوو تاشقینی یوز بیرگن بولیم‌لریده سوو تاشقینی‌دن زیان کورگنلر گه دایمی باش‌پنه قوریلیشی خصوصیده هیچ بیر نرسه دیمه‌گنی بیلن؛ لیکن افغانی قیزیل آی جمعیتی مسئوللری سوو تاشقینی‌دن زیان کورگنلر نینگ قیته عادی حیاتلری گه قیتیشلری اوچون همکارلیک مقصد سعی‌وحرکتلریدن ایشانچ بیرگن.
