بوگون (دوشنبه، ۳۰ اسد)، کابل و مملکت نینگ باشقه ۲۷ ولایتیده پولیو گه قرشی ایملش کمپاینی باشلنگن. ساغلیق‌نی سقلش وزیرلیگی نینگ ایتیشیچه، پولیو گه قرشی ایملش اوشبو کمپاین تورت کونگچه دوام تاپیب و بیش یاشنی تولدیرمه‌گن ۱۱ میلیون باله ایمله‌نیشی کوتیله‌دی.
ساغلیق‌نی سقلش وزیرلیگی سوزلاوچیسی شرافت زمان امرخیل نینگ سلام‌وطندار گه ایتیشیچه: «پولیو گه قرشی ایملش کمپاینی بوگون باشلندی و بیش یاشنی تولدیرمه‌گن ۱۱ میلیون باله ایمله‌نیشی کوتیله‌دی، پولیو واکسینینی تطبیق ایتیش بیلن پولیو واقعه‌لرینی کمه‌یتیریب و کیله‌جک ده بوتونلی یوق ایتیش مقصدیده سعی‌وحرکت قیلماقده‌میز.»
باشقه تاماندن، کابل شهری ده باله‌لرینی پولیو گه قرشی واکسین قیلگن عایله‌لر گه کوره، باله‌لری پولیو گه قرشی ایملنگن تقدیرده، باله‌لری اوشبو کسل‌لیکدن قوتیله‌دیلر.
کابل شهری خیرخانه منطقه‌سی یشاوچیسی و بیش یاشنی تولدیرمه‌گن ایکی باله‌سینی واکسین قیلگن فاطمه، اولکه یشاوچیلریدن باله‌لرینی پولیو گه قرشی ایملش گه جدی بولیش‌لرینی سوره‌یدی.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «بوگون ایکی باله‌م نی واکسین قیلدیم بو مسئله جوده هم مهم دیر کسل‌لیک‌لر اینیقسه فلج بولیشدن اسره‌یدی، مین هردایم باله‌لریمنی واکسین قیله‌من، هر بیر باله واکسین بولیشی کیره‌ک.»
کابل شهری سرکوتل منطقه‌سی یشاوچیسی و بیش باله آنه‌سی نگاره، اولکه یشاوچیلریدن باله‌لرینی فلج دن قوتقریش اوچون واکسین قیلیش‌لرینی طلب قیله‌دی.
او نینگ ایتیشیچه: «هر بیر عایله باله‌لرینی واکسین قیلسین‌لر، چونکه جوده هم مهم دیر.»
عین‌حالده، دین عالم‌لری نینگ ایتیشلریچه، اسلام دینی قانون-قاعده‌لری گه بناً باله‌لرنی پولیو گه قرشی واکسین قیلیش هیچ قیینچیلیگی یوق و عایله‌لر باله‌لرینی اوشبو کسل‌لیککه قرشی واکسین قیلیش‌لری کیره‌ک.
دین عالمی قطب‌الدین مجتهد نینگ ایتیشیچه: «پولیو واکسینی باله‌لر گه مضر دیگن سوز گه اعتبار بیرمه‌سک، اسلام دینی نقطه‌ی نظری دن قیینچیلیگی یوق و عایله‌لر اوز باله‌لرینی واکسین قیلسین‌لر.»
بیزلرنینگ توییترده هم تعقیب قیلینگ!
اوتگن ییل گه نسبتن افغانستان ده پولیو گه چلینگن‌لر باله‌لر سانی آشگن بیر حالده، اوشبو کمپاین یولگه قوییلگن و میلادی اوشبو ییل باشله‌نیشیدن حاضرگه قدر پولیو گه چلینگن بیش واقعه قید ایتیلگن.
ساغلیق‌نی سقلش وزیرلیگی نینگ پولیو بولیمی مسئولی گه کوره، افغانستان نینگ پاکستان بیلن قوشنی‌لیگی، مملکت نینگ اوزاق تومن‌لریده طبی خذمت کورسه‌تیلمسلیگی، ایچیملیک سوو یوق‌لیگی و باله‌لر نینگ توییب آوقاتلنمسلیگی، افغانستان ده پولیو واقعه‌لری کوپه‌یش عامل‌لریدن سنله‌دی.
ساغلیق‌نی سقلش وزیرلیگی نینگ پولیو بولیمی مسئولی نورولی شاه مومن نینگ سلام‌وطندار گه ایتیشیچه: «اکثر جای‌لرده دستلبکی طبی امکانیت یوق و باله‌لر باشقه قسم واکسین بولمه‌یدیلر، کوپ سانده قیشلاق‌لرده ایچیملیک سوو یوق، بو مسئله ویروس گه سبب بوله‌دی.»
شو بیلن بیرگه، بلخ، سمنگان، جوزجان، فاریاب، سرپل و ارزگان، کیله‌سی هفته پولیو واکسینی باشلنه‌دیگن ولایت‌لردن دیر.
حاضرگچه افغانستان و پاکستان، پولیو بوتونلی یوق ایتیلمه‌گن مملکت‌لردن سنله‌دی.
ساغلیق‌نی سقلش وزیرلیگی نینگ معلوماتی اساسیده، افغانستان ده ۲۰۲۰-ییل ده آلتی واقعه، ۲۰۲۱-ییل ده تورت واقعه، ۲۰۲۲-ییل ده ایکی واقعه و ۲۰۲۳-ییل ده بیش مثبت واقعه قید ایتیلگن.
