افغانستان ملی کنگره حزب باشلیغی عبداللطیف پدرام، بوگون کابل ده خبری بیر ییغین اوتکزیب ایتیشیچه، مملکت خوفلی و پیچیده بیر وضعیت گه قرار تاپگن.
جناب پدرام گه کوره، شمال تومن‌لری نینگ سقوط قیلیشی نی پرده آرقه‌سیده، دولت تامانیدن داعش نینگ جایلشتیریش برنامه‌سی بار.
افغانستان ملی کنگره حزب باشلیغی نینگ ایشانچی گه کوره، مملکت شمالیده داعش نینگ جایلشتیریش اوچون فاجعه خلق قیلیش کیره‌ک ایدی که بو برنامه حاضر عمل گه آشیریلماقده.
بیزلرنینگ فیسبوک صحیفه‌میزگه باش اورینگ!
جناب پدرام نینگ آگاه‌لنتیریشیچه، شمال ده داعش نینگ حضوری توغریسیده توجه قیلینمه‌گن صورتده، عیاللر و باله‌لر بو گروه قولیگه توشیشی نینگ احتمالی بار. «بیزلر افغانستان شمالیده داعش نینگ حضوری توغریسیده خواطرگه میز. شمال گه یشه‌یدیگن‌لرنی آگاه‌لنتیره‌میز که بو پدیده گه قرشی کوره‌شمه‌گن صورتده، عیاللر و باله‌لری داعش نینگ قولیگه توشیشی ممکن.»
جناب پدرام نینگ ایتیشیچه، غنی افغانستان ده آمریکا اوروشی نینگ نماینده‌سی دیر و آمریکا نینگ همکارلیگی بیلن اوروش نی مملکت شمالی گه انتقال بیرگن.
بیزلرنینگ توییترده هم تعقیب قیلینگ!
شونینگدیک عبداللطیف پدرام نینگ ایتیشیچه، تومنلرنینگ تاپشیریش و سقوط بیریش اوچون حکومت تامانیدن ریجه و برنامه بار ایکن و اولردن کوپینچه‌سی طالبان تامانیدن ساتیب آلینگن.
بیراق جمهوررئیس‌لیک سرایی بو ادعالرنی رد قیلگن.
شونینگدیک افغانستان ملی کنگره حزب باشلیغی، طالبان قیته‌دن قدرت نینگ آلیشی توغریسیده خواطر بیلدیریب و ایتیشیچه، بو گروه نینگ کوچسیزلنتیریش اوچون منطقه‌ده منطقوی بیر اجماع یوق دیر.
