سونگی کونلرده، افغانستان ده پاکستان طالبلر تحریکی (تی‌تی‌پی) حضوری و فعالیتی، اسلام امیرلیگی و پاکستان اورته‌سیده قرمه‌قرشی لیکلر گه سبب بولگن.
گرچند اسلام امیرلیگی نینگ اره‌له‌شووی طفیلی پاکستان حکومتی و پاکستان طالبلر تحریکی اورته‌سیده وقتینچه‌لیک آتش کیسین اعلام بولدی، لیکن آتش کیسین یکونی بیلن پاکستان طالبلر تحریکی اوز فعالیت‌لرینی کوچه‌یتیرگن و ینگی‌لیکده اوز کابینه‌سینی هم اعلام قیلگن.
بیزلرنینگ فیسبوک صحیفه‌میزگه باش اورینگ!
پاکستان طالبلر تحریکی اوشبو مملکتده اوز فعالیت‌لرینی کینگه‌یتیریش بیلن، پاکستان حکومتی اوشبو گروه گه قرشی کوره‌شیشنی جدی آلگنلیگی سیزیله‌دی، ینگی‌لیکده اوشبو مملکت ایچکی ایشلر وزیری رانا ثناءالله، بو گروه افغانستان ایچیده فعالیت قیلماقده، نیاز بولگن حالده پاکستان تامانیدن اولر گه قرشی حربی عملیات اویوشتیریلیشینی معلوم قیلگن.
پاکستان ایچکی ایشلر وزیری نینگ اوشبو بیاناتی، اسلام امیرلیگی مدافعه وزیرلیگی نینگ جدی مناسبتی بیلن روپه‌ره بولگن.
مملکت مدافعه وزیرلیگی ترقه‌تگن بیانیه‌سیده، رانا ثناءالله نینگ بیاناتینی اساس‌سیز دیب، افغانستان ده پاکستان طالبلر تحریکی یوق‌لیگینی معلوم قیلگن.
شو بیلن بیرگه، ایش بیلرمان‌لر پاکستان ایچکی ایشلر وزیری نینگ بیاناتی گه مناسبت بیلدیریب ایتیشلریچه، پاکستان حکومتی اسلام امیرلیگی اوستیگه باسیم کیلتیریش اوچون، افغانستان ده پاکستان طالبلر تحریکی حضورینی بهانه قیله‌دی.
سیاسی ایش بیلرمان محمود اضطرابی گه کوره: «افغانستان ده عصیانچی گروه‌لر یا ده تی‌تی‌پی بارلیگی خصوصیده تورلی خیل فکرلر بار، بو گَل بیانات نی قنده‌ی باشقریش اسلام امیرلیگی گه تیگیشلی دیر.»
سیاسی ایش بیلرمان‌لردن باشقه بیری عزیز معارج نینگ ایتیشیچه: «پاکستان نینگ ادعاسی بیر پروژ دیر، پاکستان اوز خواستینی قبول قیلدیریش مقصدیده سعی و حرکت قیلماقده، افغانستان ده تی‌تی‌پی گروهی بار می یوق بونی اسلام امیرلیگی اثباتلشی کیره‌ک.»
ایش بیلرمان‌لر، افغانستان ده قوراللی عصیانچی گروه‌لر فعالیتی و حضوری باره سیده‌گی بیانات‌لرنی باشقریش اوچون، اسلام امیرلیگی نینگ اوزاق مدتلی سیاستی بولیشی اوستیگه تأکید ایته‌دیلر.
بیزلرنینگ توییترده هم تعقیب قیلینگ!
حربی ایش بیلرمان صادق شینواری نینگ کوپه‌یتیریشیچه: «سونگی کونلرده تی‌تی‌پی گروهی نه فقط پاکستان نی ثبات‌سیزلیگی اوچون جدی خطر گه ایلنگن بلکه منطقه اولکه‌لر نینگ خواطری گه هم سبب بولگن، اوشبو گروه شامل باشقه عصیانچی گروه‌لرنی یوق ایتیش اوچون منطقه و پاکستان ده بیر اتفاق شکللنیشی لازم.»
ایتیش کیره‌ک که، اسلام امیرلیگی نینگ پاکستان طالبلر تحریکی بیلن یقین‌لیگی باعث، افغانستان ده اوشبو گروه نینگ حضوری و فعالیتی خصوصیده خواطرلرنی آشیرگن.
