حامله‌دار عیال‌لرنی دارولش اوچون افغانستان نینگ اوزاق تومن‌لریگه سفر قیلیش اوچون هیچ بیر داکتر حاضر ایمس. بدخشان محلی حکومتی پامیر عیاللری اوچون قابله‌لیک بستی نی نیچه مرته اعلام گه قویدی، بیراق بو منطقه گه سفر قیلیش اوچون هیچ بیر عیال حاضر بولمه‌دی.
بیراق نیچه آیدن کیین بدخشان نینگ شغنان تومن یشاوچیسی رابعه ناملی بیر یاش قیز بو قیینچلیک‌لرنی بوینیگه آلیب و پامیر عیاللری نی دارولش و اولرگه یاردم بیریش اوچون مذکور منطقه گه کیتیش گه حاضر بولدی.
رابعه بو قیینچلیک‌لرنی بویینگه آلیب و سفر گه قرار قیلدی، بیراق بو سفر قیینچلیک‌لردن بوش ایمس ایدی. رابعه آته و ایناغه‌سی بیلن پامیر تامان یول آلدی و ۸ کیچه‌وکوندوز دن کیین بو اوچ کیشی پامیر گه ییتیشدی.
رابعه و اونینگ آته‌سی نرسه‌لرنی انتقال بیریش اوچون بیر آت نی کرا گه آلیشدی، بیراق یول جریانیده هوا نینگ ساووقلیگی باعث آت اَیاقدن قاله‌دی و رابعه پیاده اَیاق بیلن سفر گه دوام بیره‌دی.
یول جریانیده رابعه بیر تاش نینگ اوستیدن توشیب کیته‌دی و آته‌سی کوپ زور بیلن اونینگ نجات بیره‌دی، سفر دوام تاپه‌دی، بیراق رابعه نینگ آته‌سینی برماق‌لری هوا ساووقلیگی باعث موزلب و ایشدن توشه‌دی.
بدخشان مرکزیده‌گی برهان‌الدین ربانی کسلخانه داکترلری نینگ ایتیش‌لریچه، رابعه نینگ آته‌سینی اَیاق‌لرینی برماغی ایشدن قالگن و اونینگ کیسیلیشی کیره‌ک.
رابعه نینگ آته‌سیگه کوره، بدخشان عیاللریگه خدمت قیلیش اوچون سعی و حرکت قیلگنیدن پشیمان ایمس، اوزی و قیزی مذکور عیاللرگه یاردم بیریش اوچون بیلی نی باغله‌گن.
مذکور آته و قیزنینگ سفری نی حکایه‌سی کوپ اَچیق دیر؛ هوا ساووقلیگی باعث رابعه نینگ قولاغی ضرر کورگن و آته‌سی هم یخشی ساغلیک وضعیت گه قرار تاپمه‌گن.
رابعه اورته بیر عایله دن دیر. بو گزارش ده اوندن بیر صورت آلیش نی ایسته‌دیک، بیراق بدخشان نینگ پامیر تومنیده اجتماعی ترماقلر توغری ایش بیرمه‌گنی باعث بیزلرنینگ سعی و حرکتی‌میز نتیجه بیرمه‌دی.
