اسلامی امارت سرپرست حکومتی هر دایم مملکت بویلب امنیت تامین‌لنگنیدن ایشانچ بیلدیرگنی بیر حالده، ینه هم هر کون مملکت نینگ تورلی منطقه‌لری امنیت گه قرشی واقعه‌لر گه شاهد دیر.
اوتگن کون (چهارشنبه، ۴-عقرب) ننگرهار ده ایکی سوداگر آته و اوغیل و شونینگدیک بلخ ده ایسه بیر داکتر هلاک بولگن.
باشقه بیر تامان‌دن اوتگن اوچ کون جریانیده، پروان، لوگر و ارزگان ولایت‌لریده ایکی عیال و بیر ایرکک اولدیریلگن.
بیزلرنینگ فیسبوک صحیفه‌میزگه باش اورینگ!
مذکور مورد‌لر سبب، مملکت یشاوچیلری جان‌لری نینگ امنیتی خصوصیده خواطرلنگنلر.
ننگرهار یشاوچیلریدن رحمت‌الله سلام‌وطندار گه ایتیشیچه: «حاضرگی مسئوللردن اهالی نینگ راحت بیر شکلده حیات کیچیریش‌لری اوچون بو کبی واقعه‌لر گه توسیق بولیش‌لری نی ایسته‌یمیز.»
شونینگدیک بو توغریده وحید نینگ ایتیشیچه: «اهالی حکومت‌دن یشاوچیلر نینگ یخشی و درست بیر شکلده حیات کیچریش‌لری اوچون جنایی جرم‌لر نینگ کمه‌یشی نی ایسته‌یدی.»
عین حالده، اوتگن کون کیچ قورون بلخ ولایتی‌ده ناتانیش قوراللی کیشی‌لر اسد‌الله اسم‌لی بیر داکتر نی مزارشریف شهری نینگ ۷-خوفسیزلیک حوزه یقین‌لیگیده جایلشگن «کارته صلح» منطقه‌سیده ایشی‌دن اویی تامان باره‌دیگن چاغده اولدیرگن.
شونده‌ی بیرحالده، ابوعلی سینای بلخی حوزه‌‌ی کسل‌خانه آمری و اسد‌الله شارق نینگ همکارلریدن اشرف روان نینگ سلام‌وطندار گه ایتیشیچه: «داکتر صاحب نینگ اولگنی ساغلیک بولیمی‌ده یالغیز مزارشریف اوچون ایمس، بلکیم بوتون دنیا‌ده واقعا بیر ضایعه دیر.»
شونینگدیک اوتگن کون قندهار ده ماین تازه‌لش ایشلاوچیسی خواجه‌محمد اسم‌لی بیر ایرکک، پروان ولایتی نینگ سیاه‌گرد تومنی‌ده تورموش اورتاغی نی بیرینچی‌ده برچه بیلن اولدیریب و کیین ایسه اونینگ قارنی گه ماین قوییب پارتلتگن.
لوگر ولایتی‌ده منبع‌‌لر نینگ سلام‌وطندار گه اوشبو ولایت‌ده بیر عیال نینگ جسدی تاپیلگنیدن خبر بیرگنلر. اولر گه کوره، اوشبو جسد اوتگن کون کیچ قورون محمد‌آغه تومنی اطرافیده جایلشگن «دهنو» منطقه‌سیدن تاپیلگن.
باشقه بیر تامان‌دن، ایکی کون آلدین ارزگان تومنی‌ده بیر عیال داکتر نینگ آته‌سی ناتانیش قوراللی کیشی‌لر تامانیدن اولدیریلگن.
بیزلرنینگ توییترده هم تعقیب قیلینگ!
شونده‌ی بیرحالده، اسلامی امارت سرپرست حکومتی مملکت امنیتی وضعیتی نی تامین بولگن عنوان قیله‌‌دی.
اسلامی امارت سوزلاوچی اورین‌باسرلریدن بلال‌کریمی نینگ سلام‌وطندار گه ایتیشیچه: «اسلامی امارت و اسلامی امارت آدرسی تامانیدن هیچ کیم گه زیان ییتیشمه‌گن. بیر ییرده شخصی دشمنلیک اوچون بیری گه زیان ییتیشگن صورتده، اسلامی امارت نینگ کوچلری تامانیدن تیکشیروو آستیده قرار تاپه‌دی.»
ایتیش کیره‌ک که، شونینگدیک بوندن آلدین هم سلام‌وطندار نینگ تیارلگن گزارشی‌ده جنایی واقعه‌لردن بیر قطاری نینگ قربانی‌لری عدلی و قضایی نهاد‌لر تامانیدن عایله اعضالری نینگ قتل قضیه‌لری تیکشیریلمه‌گنیدن شکایت قیلگن ایدیلر.
