ایران توپراغیده حماس سیاسی دفتری باشلیغی اسماعیل هنیه نینگ اولدیریلگنی‌دن کیین، اوشبو مملکت مذهبی رهبری سیدعلی خامنه‌ای، اسرائیل گه مستقیم هجوم قیلیش بویروغینی صادر قیلگن.
نیویورک تایمز کونده‌لیگی، بوگون (پنج‌شنبه، ۱۱-اسد)، ایران سپاه پاسداران نینگ ایکی اعضاسی شامل اوشبو مملکت اوچ رسمی‌سیدن نقل قیلیب گزارش بیریشیچه، خامنه‌ای بو بویروغ نی اوتگن کون ایران ملی خوفسیزلیک کینگشی نینگ شاشلینچ ییغینی‌ده اسماعیل هنیه نینگ اولیمی برابریده قصاص آلینیشی مقصد، صادر قیلگن.
بیزلرنینگ فیسبوک صحیفه‌میزگه باش اورینگ!
مذکور کونده‌لیک نینگ کوپه‌یتیریشیچه، خامنه‌ای اوشبو مملکت حربی‌سی و سپاه پاسداران‌دن اسرائیل گه هجوم قیلیش اوچون کیره‌کلی ریجه‌لر نینگ تیارلنیشینی ایسته‌گن.
ایران، اسرائیل نی اسماعیل هنیه اولیمی گه مسئول بیله‌دی. سیدعلی خامنه‌ای اوتگن کون، اسرائیل ایران توپراغیده اسماعیل هنیه نینگ نشان‌گه آلیب، اوزیگه قتیق جزا اوچون زمینه یره‌تگن دیب آگاه‌لنتیردی.
بیزلرنینگ «ایکس» ترماغی ده هم تعقیب قیلینگ!
حماس نینگ سیاسی دفتری باشلیغی اسماعیل هنیه، جاری هفته سه‌شنبه کونی ایران ینگی جمهور باشلیغی پزشکیان نینگ آنت ایچیش مراسمی گه شرکت قیلیش مقصد، اوشبو مملکت گه کیتگن ایدی که، اوتگن کونی تهران ده حیات کیچیره‌دیگن محل‌ده هجوم آستیده قرار تاپیب و اولدیریلگن.
