کابل یشاوچیلریدن قطاری نینگ ایتیش‌لریچه، قریب بیر ییل آلدین پاسپورت آلیش اوچون آنلاین شکلده ثبت نام قیلگنلر، بیراق حاضرگچه پاسپورت آلالمه‌گنلر.
اولر پاسپورت توزیع قیلیش جریانی توخته‌تیلیب و ثبت نام قیلگنلر نوبتی کیچیکتیریشی‌دن تنقید‌لب ایتیش‌لریچه، قریب بیر ییل آلدین آنلاین شکلده ثبت نام قیلگن‌لری بیرحالده، بیراق حاضرگچه مراجعه قیلیش تاریخی هم بیللی بولمه‌گن.
بیزلرنینگ فیسبوک صحیفه‌میزگه باش اورینگ!
کابل یشاوچیسی زینب نینگ ایتیشیچه: «مین و تورموش اورتاغیم پاسپورت فورمی نی تولدیگنی‌میزدن قریب بیر ییل بولگن، بیراق حاضرگچه تاریخ اوریلمه‌گن و سایت گه هر مرته مراجعه قیلگنی‌‌میز پیتده، سایت باغلیق یا-ده ایش‌لمه‌یدی. حتی پاسپورت ریاستی گه بارگنی‌میز پیتده، او ییر هم کوپ بیروبار و راحت بیر شکلده ریاست ایچی گه باره آلمه‌یمیز.»
شونینگدیک کابل یشاوچیلریدن ساره و هلال نینگ ایتیش‌لریچه: «قریب ۸ آی آلدین آنلاین شکلده فورم تولدیردیک و ۱۵ میزان تاریخ اوریله‌دی و چک قیلینگ‌لر دیدی که، قیغو بیلن سایت یاپیلدی. بیراق آچیلگنی‌دن کیین، تقدیریمیز اصلا بیللی ایمس و تاریخ اوریلمه‌یدی. پاسپورت گه جدی نیازیمیز بار.»
«پاسپورت آلیش اوچون ثبت نام قیلگنیم‌دن قریب بیر ییل بولدی، بیراق حاضرگچه بیللی ایمس و تاریخ هم اوریلگنی یوق. قیین‌چیلیک‌لر کوپ و وضعیتی‌میز هم شوندهی نابیللی بولیب قالگن.»
شوندهی بیرحالده، پاسپورت عمومی ریاست سوزلاوچیسی نورالله پتمن، کوپینچه ایسته‌کلر نینگ پروسسی اوچون اوشبو ریاست ظرفیتی نینگ کم‌لیگی گه اشاره قیلیب، یشاوچیلردن صبرلی بولیش‌لری نی ایسته‌گن.
بیزلرنینگ توییترده هم تعقیب قیلینگ!
«یوزمینگ‌لرچه کیشی ثبت نام قیلگن و ظرفیتی‌میز کونده ۱۰ مینگ دیر. انه شوو سبب، وقتی‌ده ثبت نام قیلمه‌گنلر نینگ نوبتی کیچ‌راق کیله‌دی. برچه اهالی گه ان‌شاءالله نوبت ییتیشه‌دی. ظرفیت نینگ یوقاری کیتیشی و کونده کوپینچه کیشی گه پاسپورت ترقه‌لیشی خصوصیده سعی و حرکت قیله‌میز. کابل و ولایت‌لرده ظرفیتی‌میز نی یوقاری کیتیشی خصوصیده قرار آلگن‌میز.»
عین حالده، اوتگن بیر یریم ییل‌ده پاسپورت عمومی ریاستی نیچه مرته یشاوچیلر یوزیگه یاپیلگن و ایسته‌کلر نینگ کوپه‌یگنی سبب، شونینگدیک یشاوچیلر آی‌لردن بیری پاسپورت آلیش نی کوتیب تورگنلر.