کابل بلدیه ریاستی مسئوللری، بوگون (دوشنبه، ۲۲ حوت) کابل شهری نینگ ۱۳_ناحیه‌سیده کوچت (نهال) ایکیش کمپاینینی یولگه قوییب ایتیشلریچه، اوشبو ناحیه ده ۲۰۰۰ دن آرتیق کوچت ایکیلیشی ممکن.
کابل بلدیه ریاستی نماینده‌سی عبدالرحمان شیرانی گه کوره: «بوگون کابل بلدیه‌سی ۱۳_ناحیه ده عامه‌نی آگاه‌لنتیریش مقصدیده نهال ایکیش کمپاینینی یولگه قویگن. چهل‌دختران، برچی سرکی و کته‌بلندی منطقه‌لریده ۲۰۰۰ دن آرتیق نهال ایکیلیشی ممکن.»
کابل بلدیه‌سی مسئوللری نینگ ایتیشلریچه، پایتخت نینگ تورلی منطقه‌لریده ۶۰۰ مینگ نهال ایکیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
شونینگدیک کابل شهری ۱۳_ناحیه یشاوچیسی رضا رحیمی، یشاوچیلردن نهال ایکیش کمپاینی گه حصه قوشیش‌لرینی طلب قیله‌دی.
او نینگ کوپه‌یتیریشیچه: «یشاوچیلردن هوا دغل‌لیگینی آلدینی آلیش اوچون بیرنهال اوزلری اوچون و باشقه بیر نهال کیله‌سی نسل اوچون ایکیش‌لرینی ایسته‌یمیز و اسلام امیرلیگی دن روشنایی شهیدلر تپه‌سینی ملی پارک اوله‌راق اعلام قیلیشینی سوره‌یمیز.»
کابل بلدیه‌سی، هر ییلی کوچت ایکیش کمپاینی ده پایتخت کابل نینگ تورلی منطقه‌لریده یوزلب میوه‌لی و میوه‌سیز نهال ایکه‌دی، بیر مدت اوتگچ قره‌لمسلیگی سبب قوریب قاله‌دی یا که سینه‌دی.
شو بیلن بیرگه، کابل یشاوچیلریدن فریدون مظفری، فقرالردن شهرکوکلم‌لیگی اوچون نهال ایکیش کمپاینی گه حصه قوشیش‌لرینی طلب قیله‌دی.
بیزلرنینگ توییترده هم تعقیب قیلینگ!
او نینگ کوپه‌یتیریشیچه: «برچه فقرالر نهال ایکیب و کوکلم محیط اوچون نهال‌لرنی پرورش قیلیش خصوصیده حصه قوشیش‌لری کیره‌ک.»
مسئوللر گه کوره، اوتگن بیر آی ده کابل شهری وزیر محمداکبرخان، نادرخان تیپه‌سی و بادام‌باغ منطقه‌لریده مذکور اداره تامانیدن، نهال ایکیش کمپاینی یولگه قوییلیب و اوشبو جریان همان دوام ایتماقده.