ننگرهار ولایتی نینگ شینوار تومنی یشاوچیلریدن قطاری پاکستان حربی‌لری نینگ خوست و کنر ولایت‌لری گه اویویشتیرگن هجوم‌لری گه قرشی عکس‌العمل کورستیب و اعتراض بیلدیرگنلر.
اعتراض‌چیلر تورخم-جلال‌آباد قتناویولیده مارکو بازاریده اعتراض بیلدیریب و پاکستان گه قرشی شعارلر بیریش بیلن، اوشبو مملکت هجوم‌لری نتیجه‌سیده تینچ‌اهالی نینگ اولیمی نی «انسانی جنایت» دیگنلر.
بیزلرنینگ فیسبوک صحیفه‌میزگه باش اورینگ!
اعتراض‌چیلر نینگ ایتیش‌لریچه، پاکستان هر دایم قانون و قاعده‌لردن نافرمان‌لیک قیلگن. اولر دنیا جماعه‌دن شونده‌ی عمل‌لر گه توسیق بولیش اوچون پاکستان گه باسیم کیتیریشی نی سوره‌گن.
ننگرهار یشاوچیلری نینگ تاکید قیلیش‌لریچه، افغانستان توپراغی گه هجوم‌لر، اوشبو مملکت ایچکی ایشلری گه مداخله قیلیش دیر و اسلامی امارت‌دن بوتون هجوم‌لر گه جواب بیریشی نی ایسته‌یدیلر. یشاوچیلر نینگ کوپه‌یتیریش‌لریچه، سابق کبی خوفسیزلیک کوچلردن حمایت قیلیش اوچون توخته‌گنلر و اوز توپراغ‌لریدن دفاع قیله‌دیلر.
شونده‌ی بیرحالده، شونینگدیک اوتگن کون پاکستان اقدامی گه قرشی خوست ولایت یشاوچیلری اعتراض بیلدیریب و «اولیم پاکستان گه» دیب شعار بیرگنلر.
ایتیش کیره‌ک که، ییل‌لردن بویان پاکستان حربی‌لری افغانستان چیگره منطقه‌لری گه هجوم قیله‌دیلر، بیراق پاکستان نینگ ینگی هجوم‌لری، کوپینچه عکس‌العمل‌لر بیلن روپه‌رو بولگن.
بیزلرنینگ توییترده هم تعقیب قیلینگ!
شونینگدیک اسلامی امارت سوزلاوچیسی ذبیح‌الله مجاهد، پاکستان نینگ خوست و کنر ولایت‌لری گه اویوشتیرگن هجوم‌لری نی قاره‌لب و مذکور مملکت‌دن ایسته‌گن که، شونده‌ی مسله‌لرده «افغان‌لر صبری نی امتحان قیلمه‌ینگ و شونده‌ی اشتباه نی قیته تکرار قیلمه‌ینگ؛ عکسینچه حالده، یمان عاقبتی بولیشی ممکن.»
