بیرلشگن ملت‌لر تشکیلاتی ده افغانستان نینگ دایمی نماینده‌لیک سرپرستی نصیراحمد فایق نینگ سلام‌وطندار گه ایتیشیچه، مذکور تشکیلات عیال محلی ایشلاوچیلری گه ۴۸ ساعت گچه ایش دفترلری گه بارمسلیک بویروغینی بیرگن. او نینگ کوپه‌یتیریشیچه: «بیرلشگن ملت‌لر تشکیلاتی عیال محلی ایشلاوچیلری گه، ۴۸ ساعت گچه دفتر بارمسلیک بویروغینی بیرگن.»
عین‌حالده، افغانستان ده بیرلشگن ملت‌لر تشکیلاتی نینگ اورین باسرلیک هیئت دفتری (یوناما) سه‌شنبه، ۱۵ حمل، اوز فیسبوک صحیفه‌سیده، ننگرهار ولایتیده عیال ایشلاوچیلری گه ایش گه باریش رخصتی بیریلمسلیگیدن خواطرده ایکن‌لیگینی یازگن. یوناما گه کوره، بیرلشگن ملت‌لر تشکیلاتی نهادلری عیال ایشلاوچیلری بولمه‌گنده فعالیت قیله آلمه‌یدی.
بیزلرنینگ فیسبوک صحیفه‌میزگه باش اورینگ!
افغانستان ده بیرلشگن ملت‌لر تشکیلاتی اورین باسرلیک هیئت دفتری نینگ ایتیشیچه: «حاکم رسمی‌لر گه ایتماقچین میز که، بیرلشگن ملت‌لر تشکیلاتی نهادلری نینگ عیال ایشلاوچیلری بولمه‌گن تقدیرده فعالیت قیله آلمه‌ی و یاردم بیریش امکانی هم بولمه‌یدی.»
ایتیش کیره‌ک که، اوتگن ییل اسلام امیرلیگی، طلبه قیزلر گه بیلیم یورت گه باریش رخصتی بیریلمسلیک فرمانی دن کیین افغانستان ده ایچکی و خارجی نادولتی مؤسسه‌لرده عیال ایشلاوچیلر نینگ ایش گه باره آلمسلیک فرمانینی صادر قیلدی. اسلام امیرلیگی نینگ بو قراری کینگ واکنش‌لر گه روپه‌ره بولگن.
بیزلرنینگ توییترده هم تعقیب قیلینگ!
اسلام امیرلیگی سوزلاوچیسی ذبیح‌الله مجاهد، ایچکی و خارجی نادولتی مؤسسه‌لرده عیال ایشلاوچیلر نینگ ایش گه باره آلمسلیک فرمانی خصوصیده بی‌بی‌سی گه ایتیشیچه، اوشبو فرمان عیاللر نینگ «عزت و عفتی» اوچون صادر بولگن و نادولتی برچه نهادلر جمله دن بیرلشگن ملت‌لر تشکیلاتی اوستیده عملگه آشیریله‌دی.
