امریکا قوشمه ایالت‌لری نینگ تشقی ایشلر وزیرلیگی، ایران ده القاعده ترماغی رهبری بارلیگینی تصدیقله‌گن.
امریکا قوشمه ایالت‌لری تشقی ایشلر وزیرلیگی نینگ سوزلاوچیسی ند پرایس، چهارشنبه کونی، ۲۶ دلو، خبرچی‌لر نینگ سوالی گه جواب، ایران ده القاعده ترماغی نینگ رهبری ۶۲ یاشر سیف‌العدل حضورینی تصدیقله‌گن.
بیزلرنینگ فیسبوک صحیفه‌میزگه باش اورینگ!
اوشبو هفته دوشنبه کونی، بیرلشگن ملت‌لر تشکیلاتی نینگ ایش بیلرمان‌لر کمیته‌‌سی، ترورچی گروه‌لر خصوصیده اوز گزارشینی ترقه‌تدی.
کمیته گه اعضا مملکت‌لر نینگ معلوماتی اساسیده تیارلنگن اوشبو گزارش ده کیلیشیچه: «مصرلیک ۶۲ یاشر سیف‌العدل، ایمن‌الظواهری اورنیده تعینلنگن.»
امریکا تشقی ایشلر وزیرلیگی سوزلاوچیسی نینگ کوپه‌یتیریشیچه: «بیز نینگ معلوماتی‌میز و بیرلشگن ملت‌لر تشکیلاتی نینگ معلوماتی ماس دیر و او ییرده او نینگ حضوری ایران نینگ ترورچی گروه‌لردن حمایتینی ینه بیر بار اثباتله‌یدی.»
بیزلرنینگ توییترده هم تعقیب قیلینگ!
اسلام امیرلیگی، افغانستان ده هیچ بیر ترورچی گروه گه فعالیت قیلیش ایزینی بیریلمسلیگیدن ایشانچ بیرگن دیدی، امریکا قوشمه ایالت‌لری تشقی ایشلر وزیرلیگی نینگ سوزلاوچیسی ند پرایس.
ایتیش کیره‌ک که، اوتگن میلادی ییلی القاعده ترماغی نینگ سابق رهبری ایمن‌الظواهری، کابل شهری وزیر اکبرخان منطقه‌سیده امریکالیک اوچووچی‌سیز اوچاق آرقه‌لی نشانگه آلینیب اولدیریلدی. القاعده ترماغی حاضرگچه اوز رهبرلرینی رسمی روشده معرفی قیلیشمه‌گن.
