امریکا تشقی ایشلر وزیرلیگی سوزلاوچیسی ندا پرایس، اسلام امیرلیگی حکومتیدن قیزلر نینگ مکتب‌لرینی آچیب و افغانستان خلقی گه بیرگن وعده‌لری گه عمل قیلیشینی طلب قیلگن.
امریکا تشقی ایشلر وزیرلیگی سوزلاوچیسی، بوگون بامداد چاغی (چهارشنبه، ۵ جدی) خلق‌ارا تعلیم کونی مناسبتی بیلن اوشبو مطلب نی بیان قیلگن. اونگه کوره، اسلام امیرلیگی افغانستان خلقی نینگ جهانی حقوقی «منکری» دیر.
بیزلرنینگ فیسبوک صحیفه‌میزگه باش اورینگ!
امریکا تشقی ایشلر وزیرلیگی سوزلاوچیسی نینگ کوپه‌یتیریشیچه، امریکا تشقی ایشلر وزیری آنتونی بلینکن، خلق‌ارا تعلیم کونیده ینه بیر بار افغانستان خاتین قیزلری دن اوز حمایتینی بیلدیرگن.
باشقه تاماندن، افغانستان اوچون امریکا ایلچیخانهسی نینگ شارژدافیری کرن دیکر، اوتگن کون خلق‌ارا تعلیم کونی مناسبتی بیلن بولگن پیامیده ایتیشیچه، بوکوندن نشانلش قیین دیر؛ چونکه افغانستان ده‌گی قیز اوقووچیلر حاضر تعلیم حقی دن محروم دیر.
افغانستان اوچون امریکا ایلچیخانهسی نینگ شارژدافیری گه کوره، تعلیم در حقیقت افغانستان کیله‌جگی اوچون سرمایه یاتقیزیش دیر و قیز همده ییگیت اوقووچیلر بو امکانیت دن فایده‌لنیش‌لری کیره‌ک.
بیرلشگن ملت‌لر تشکیلاتی باش کاتبی آنتونیو گوترش، اوتگن کون خلق‌ارا تعلیم کونی مناسبتی بیلن بولگن پیامیده ایتیشیچه، حاضر تعلیم برابری ده توسیق بولگن برچه «تبعیض‌لی» قاعده و اسلوب‌لر گه چیک قوییش زمانی دیر.
بیزلرنینگ توییترده هم تعقیب قیلینگ!
بیرلشگن ملت‌لر تشکیلاتی باش کاتبی، اسلام امیرلیگی رسمی‌لریدن اورته و لیسه قیز اوقووچیلر نینگ تعلیمی گه دایر یره‌تیلگن چیکلاولرنی بیکار قیلیشینی سوره‌گن.
اوتگن کون (سه‌شنبه، ۲۴ جنوری/۴ دلو) خلق‌ارا تعلیم کونی گه ماس ایدی. بیرلشگن ملت‌لر تشکیلاتی نینگ علمی و فرهنگی تعلیم تشکیلاتی (یونسکو)، اوشبو کون نی تعلیم دن محروم ایتیلگن افغانستان نینگ برچه قیز اوقووچیلری گه اختصاص بیرگن ایدی.