هرات امنیتی و ساغلیک مسئوللری نینگ ایتیش‌لریچه، حربی کوچلرنینگ بیر رنجری بو ولایتده ناتانیش قورالیلر آرقه‌لی اوققه آستیده آلینگن کیم نتیجه‌ده، ۳ حربی هلاک و باشقه ۴ کیشی ایسه یره‌لنگن.
هرات پولیسی سوزلاوچیسی عبدالاحد ولی‌زاده نینگ ایتیشیچه، مذکور حادثه بوگون (چهارشنبه ۱- دلو) ایرته‌لب ساعت ۷ اطرافیده هرات شهری نینگ «پای منارهای» منطقه‌سیده یوزبیرگن.
اونگه کوره، مذکور رنجرگه حربی کوچلردن ۱۰ ته‌سی مینیلگن ایکن وظیفه تامان کیته‌دیگن یبرچاغده، ۲ موترسایکل گه مینیلگن هجومچیلر آرقه‌لی اوققه توتیلگن.
هرات ساغلیک ریاست سوزلاوچیسی محمدرفیق شیرزی نینگ ایتیشیچه، مذکور حادثه دن ۳ جسد و ۴ یره‌دار هرات-آمبولانس آرقه‌لی حوزه‌وی کسلخانه و کیین ایسه ۲۰۷ ظفر قول اردو کسلخانه‌سیگه انتقال بیریلگن.
مذکور حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
