کابل و قندهار ده معتادلر درمان بوله‌دیگن مرکزلردن قطاری نینگ مسئوللری شکایت قیلیب و ایتگلر که، افغانستان ده اسلامی امارت نینگ قدرت گه ایریشگنیدن کیین، هیچ بیر نهاد اولردن حمایت قیلمه‌گن.
کابل ده «۱۰۰ یاتاقلی معتاد عیاللر و باله‌لر درمان بوله‌دیگن» مرکز مسئولی شایسته حکیم نینگ ایتیشیچه، اوشبو مرکز ایشلاوچیلری نیچه آیدن بیری معاش آلمه‌گنلر.
اونگه کوره، معتادلر درمان بوله‌دیگن مرکزلردن تشقی و ایچکی نهاد‌لر نینگ حمایت قیلمه‌سلیگی باعث، ۷۰ درمانی مرکز‌دن ۴۲ مرکز نینگ فعالیتی توخته‌ب یا-ده بویوک مرکزلر گه مدغم بولگن.
بیزلرنینگ توییترده هم تعقیب قیلینگ!
جناب حکیم نینگ کوپه‌یتیریشیچه، دنیا ساغلیق نی سقلش مسئوللری و اروپا پارلمانی اوشبو مرکز فعالیت‌لری نی کوریب و اولر گه ایش سوزی نی بیرگن دیر، بیراق نیچه آی اوتگنی بیلن، حاضرگچه هیچ بیر اقدام صورت تاپمه‌گن.
معتاد عیاللر و باله‌لر درمان بوله‌دیگن ۱۰۰ یاتاقلی مرکزده‌گی معتاد‌لردن بیری فاطمه، شونینگدیک اوشبو مرکز خذمت‌لری نینگ آز بولگنی‌دن شکایت قیلیب و ایتیشیچه، مذکور مرکز نینگ ییمک خذمت‌لری یخشی ایمس.
شونده‌ی بیرحالده، قندهار ده «معتاد عیاللر درمان‌لنه‌دیگن ۲۰ یاتاقلی» مرکز نینگ اداری و مالی مدیری عبدالفتاح خالقی نینک سلام‌وطندار گه ایتیشیچه، اسلامی امارت نینگ قدرت گه ایریشگنیدن کیین، اوشبو مرکز ایشلاوچیلری هیچ معاش آلمه‌گنلر و کسل‌لر نینگ یاتاق امکانیتلری و دارودن باشقه بوتون خذمت‌لر، کسل‌لر گه توخته‌گن دیر.
خالقی نینگ کوپه‌یتیریشیچه، اولر نیچه مرته اوشبو قیین‌چیلیک نینگ حل قیلینیشی اوچون قندهار ساغلیک نی سقلش ریاستی و ساغلیق نی سقلش وزیرلیگی گه مراجعت قیلگنلر؛ بیراق حاضرگچه جواب قولگه کیلتیرمه‌گنلر.
بیزلرنینگ فیسبوک صحیفه‌میزگه باش اورینگ!
باشقه بیر تاماندن، داکترلردن بیری ماه‌رخ نینگ سلام‌وطندار گه ایتیشیچه، دنیا ساغلیق تشکیلاتی اوشبو مرکزلر گه ساغلیق خذمت‌لر نی ارایه قیلیش نی ایسته‌دی، بیراق اسلامی امارت مسئوللری اوشبو تشکیلات نینگ برچه امکانیتلری نی سرپرست حکومت اختیاریده قرار تاپیش نی ایسته‌دی، انه شوو سبب، یاردم‌لر نینگ حیف و میل بولمه‌یشی اوچون اوشبو تشکیلات تامانیدن یاردم‌لر ارایه بولمه‌گن.
بو توغریده ساغلیق نی سقلش وزیرلیگی فکری نی آلیش ایسته‌دیک، بیراق کییت‌مه کییت قونقیراغ بیلن موفق بولمه‌دیک.
مسئوللر نینگ معلوماتی اساسیده، حاضر ایسه کابل ده معتاد عیاللر و باله‌لر درمان بوله‌دیگن ۱۰۰ یاتاقلی مرکزده ۵۲ کسل بستری دیر که بو آره‌ده اولردن ۱۸ ته‌سی باله‌لر و ۳۴ ته‌سی نی عیاللر تشکیل بیره‌دی.
