دنیا ساغلیک تشکیلاتی نینگ اعلام قیلیشیچه، افغانستان ساغلیک سیستمی نابود بولماقده و تیزلیککه اقدام بولمه‌گن صورتده، مملکت انسانی فاجعه بیلن روپه‌رو بولیشی ممکن.
اوتگن کون دنیا ساغلیک تشکیلات رئیسی تدرس آدهانوم بیر بیانیه آرقلی ایتیشیچه، کابل‌گه سفر قیلگنیدن کیین، افغانستان ساغلیک سیستمی نابودلیک بیلن دوچ کیلگنی گه متوجه بولگن و اوشبو مملکت نینگ جدی ساغلیک نیاز‌لری تیزلیککه برطرف بولیشی کیره‌ک.
دنیا ساغلیک تشکیلات باشلیغی گه کوره، افغانستان ده کتته ساغلیک پروژه‌لردن دونرلرنینگ مالی حمایتی کمه‌یگنی و سهم بندلیک، بو مملکتده مینگ‌لرچه ساغلیک مرکزی نی بودجه‌سی یوقلیگی گه سبب بولگن. شو حاضر طبی تجهیزات کیره‌ک و ایشلاوچیلرگه معاش بیریلمه‌گن.
بیزلرنینگ فیسبوک صحیفه‌میزگه باش اورینگ!
تدروس آدهانوم نینگ تاکید قیلیشیچه، ساغلیک مرکزلری نینگ بیر قطاری باغلنگن و حاضر افغانستان‌ده ساغلیک مرکز‌لردن یالغیز ۱۷ فایزی فعال دیر. اونینگ ایتیشیچه، ساغلیک مرکز‌لرنینگ باغلنگنی دستلبکی و کیره‌کلی ساغلیک مراقبت‌لر اینیقسه باله‌لر نینگ فلج کسل‌لیگی نی بوتونلی اورته‌دن کیتیشی و شونینگدیک کرونا واکسینی گه تأثیر قویه‌دی.
عین حالده، دنیا ساغلیک تشکیلاتی نینگ ایتیشیچه، بو تشکیلات کتته بیر برنامه دن حمایت قیله‌دی که مذکور برنامه‌ده تعلیمات، ۱۳۰ ساغلیک مرکزی گه تجهیزات تأمین‌لنیشی و ۶۷ قان بانکی ایجاد ایتیلیشی شامل دیر.
افغانستان ساغلیک سیستمی نینگ نابود ایتیلیشی دن خواطرلر کوپه‌یگن بیرحالده، دنیا ساغلیک تشکیلاتی رئیسی بیر هیأت ییتکچیلیگیده مملکت ساغلیک وضعیتی نی تیکشیریش اوچون اوچ کون آلدین کابل کیلگن ایدی.