خلق‌ارا میدیالر نینگ معلوماتی اساسیده، شنبه کیچه، ۲۸ اسد/ ۱۹ آگست، روسیه حربی کوچلری تامانیدن آتیلگن موشک، اوکراین نینگ چرنیهف شهری ده اصابت قیلیب نتیجه ده آلتی یاشر بیر باله شامل ییتتی کیشی هلاک بولیب و کمیده ۱۲۹ کیشی یره‌لنگن.
چرنیهف حاکمی ویاچیسلاو چاوس گه کوره، مذکور واقعه ده ۱۴۰ کیشی یره‌لنگن و اولر دن ۴۱ نفری کسلخانه گه بستری بولگنلر.
بیزلرنینگ فیسبوک صحیفه‌میزگه باش اورینگ!
شونینگدیک، اوکراین رسمی‌لری اوشبو مملکت نینگ چرنیهف شهری ده راکتی هجوم بولگنینی تصدیقله‌گنلر.
او نینگ ایتیشیچه، واقعه طفیلی اولیب و یره‌لنگنلر مذهبی بیر مراسم دن کیین کلیسا نی ترک قیلیب و تیاتر بناسی یقینیدن اوتیش پیتیده، اوشبو واقعه گه دوچ بولیشگن.
کی‌یف هوایی کوچلری گه کوره، یالغیز جمعه کیچه، ۱۸ آگست ده، روسیه تامانیدن آتیلگن ۱۷ پهپاد دن ۱۵ ته‌سینی اوریب توشیرگنلر.
باشقه تاماندن، روسیه مدافعه وزیرلیگی، اوشبو مملکت پایتختی مسکو یقینی بلگورود منطقه‌سیده اوکراین نینگ ایکی پهپادی اوریب توشیریلگنیدن خبر بیرگن. او نینگ ایتیشیچه، اوچینچی پهپاد حربی بیر اوچاققه اصابت قیلگن.
بیزلرنینگ توییترده هم تعقیب قیلینگ!
عین‌حالده، مسکو و کی‌یف سونگی نیچه آی ده بیر-بیری گه قرشی پهپادی هجوم‌لردن قوله‌نیشگن.
