افغانستان اوچون اروپا اتفاقی مخصوص نماینده‌سی توماس نیکلاسون‌نینگ ایتیشیچه، اوشبو نهاد اینگ یقین‌ده افغانستان ده‌گی دهقانلر گه بدیل ایکین ترقه‌تیلیشی اوچون قریب ۴۵ میلیون یورو یاردم بیریلیشی خصوصیده سعی‌وحرکت قیلماقده.
اسلام امیرلیگی سوزلاوچیسی اورین‌باسری حمد‌الله فطرت‌نینگ ایتیشیچه، نیکلاسون بو موضوع نی اوتگن کون (۲۰-قوس، سه‌شنبه)، اسلام امیرلیگی باش وزیری نینگ سیاسی اورین باسری محمد عبدالکبیر بیلن اوچره‌شگنی‌ده بیان قیلیب و افغانستان بیلن همکارلیک کوچه‌یشی گه تاکید قیلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «اروپا اتفاقی و اسلام امیرلیگی مناسبتلری گه تاکید بولیش گه علاوه، اسلام امیرلیگی‌نینگ امنیت تامین‌لنیشی، فساد و بنگی‌وار ماده‌لر اورته‌دن کیتیشی خصوصیده فایده‌لی مبارزه قیلیشی‌نی هم ایتگن. افغانستان اوچون اروپا اتفاقی مخصوص نماینده‌سی بنگی‌وار ماده‌لر گه قرشی کوره‌ش اوچون اسلام امیرلیگی فعالیت‌لری یانیده، شونینگدیک تیگیشلی خلق‌ارا نهادلر‌نینگ بدیل ایکین بیلن معتادلر‌نینگ دوالنیشی توغریسیده حصه قوشیشلری‌نینگ نیاز‌لیگینی بیان قیلگن.»
نیکلاسون‌نینگ کوپه‌یتیریشیچه، افغانستان‌لیک قاچقینلر چیقریلمسلیگی خصوصیده افغانستان قوشنی‌لری بیلن صحبت قیلیشی ممکن.
شونده‌ی بیرحالده، سیاسی ایش بیلرمان‌لر اسلام امیرلیگی بیلن اروپا اتفاقی آره‌سیده‌گی مناسبتلرنی بیر نیاز بیلیب و تاکید قیلیشلریچه، اسلام امیرلیگی ملی منفعتلرنی سقلش یانیده افغانستان‌نینگ اروپایی مملکتلر بیلن مناسبتلری اوچون زمینه یره‌تیشی کیره‌ک.
بو توغریده سیاسی ایش بیلرمانلردن محمدزلمی افغانیار پوپل‌نینگ ایتیشیچه: «برچه نرسه‌لر گه صحبت قیلیش خصوصیده حل یول تاپیله‌دی، بوگون اروپا اتفاقی افغانستان بیلن علاقه قورگنی صورت‌ده، بو علاقه‌لر ایکی تامان‌نینگ ملی منفعت‌لری سقلنیشی توغریسیده بولیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونینگدیک سیاسی ایش بیلرمانلردن باشقه بیری سید‌اکبر سیال‌نینگ ایتیشیچه: «قطار مملکتلر آرقه‌لی اسلام امیرلیگی‌گه قرشی بیر قطار گزارش‌لر ترقه‌تیلگنی بیلن؛ بیراق ینه هم افغانستان ده مملکتلر حضوری و اولر‌نینگ مناسبتلری اونملی دیر.»
ایتیش کیره‌ک که، اروپا اتفاقی حاضرگچه اسلام امیرلیگی‌نی رسمیت گه تانیمه‌گنی و بعضا بو حکومت توغریسیده تنقید قیلگنی بیرحالده؛ بیراق ینه هم اوتگن اوچ ییل‌ده افغانستان ده مذکور اتفاق نماینده‌‌لیگی فعال بولیب و شونینگدیک اوز انسان‌پرورلیک یاردم‌لری گه دوام بیرگن.
