خاتین قیزلر خلق‌ارا بیردملیک کونی ده، منطقه و دنیا بویلب ۲۳ مملکت نینگ تشقی ایشلر وزیرلری و اروپا اتفاقی نینگ ییریک نماینده‌سی قوشمه بیر بیانیه ده که امریکا تشقی ایشلر وزیری ترقه‌تگن، اسلام امیرلیگی دن افغانستان ده عیاللر گه یره‌تیلگن چیکلاولرنی بیکار قیلیشینی طلب قیلگنلر.
اوشبو بیانیه ده آسترالیا، بلجیم، بلغارستان، کانادا، دنمارک، فرانسه، سعودی عربستان و بیرلشگن عرب امیرلیگی، افغانستان وضعیتی گه دایر دقت‌لرنی قره‌تیش گه متحد ایکن‌لیکلرینی ایتگنلر.
اوشبو بیانیه ده کیلیشیچه: «انسان حقلری، خاتین قیزلر نینگ ایرکین‌لیگی و اساسی حقوق‌لری و اولر نینگ جمعیت ده‌گی رولی گه حرمت قیلیش نه فقط بیر هدف دیر؛ بلکه افغانستان ده اقتصادی، سیاسی، اجتماعی و دایمی صلح برقرار ایتیلیش معناسیده دیر.»
بیزلرنینگ فیسبوک صحیفه‌میزگه باش اورینگ!
عین‌حالده، خلق‌ارا مسئله‌لر تدقیقاتچیسی نظیراحمد رزاقی نینگ سلام‌وطندار گه ایتیشیچه، دنیا اسلام امیرلیگی ایکی ییریک اعضاسینی تحریم قیلیش بیلن، اولر گه قرشی باسیم‌لرنی کوچه‌یتیرماقده.
اونگه کوره: «بیانیه گه بناً، غرب یا خارجی‌لر اسلام امیرلیگی اوز قرارلرینی بیکار قیلیش اوچون باسیم‌لرنی کوچه‌یتیرماقده؛ حتا بو باسیم‌نی یوکسک اوقوو وزیرلیگی و امر معروف وزیرلری نینگ تحریم بولیشی گه کوریشیمیز ممکن.»
باشقه تاماندن، بیلیم یورت اوقیتووچیسی سیدشفیق‌الله سادات گه کوره، دنیا؛ اسلام امیرلیگی بیرگن وعده‌لرینی عملی قیلمسلیک خلاصه ییتگن.
او نینگ کوپه‌یتیریشیچه: «آی‌لردن بویان اسلام امیرلیگی بیرلشگن ملت‌لر تشکیلاتی نماینده‌لری بیلن یقیندن قیلگن صحبت‌لریده، مکتب‌لر و بیلیم یورت‌لر ایشیگی آچیلیشیدن ایشانچ بیره‌دیلر؛ اولر اسلام امیرلیگی یالغان ایتیش خلاصه گه ییتگنلر. جمعیت ده قیلگن ایشلری و ایتگن گپ‌لری فرقلی دیر.»
شو بیلن بیرگه، اسلام امیرلیگی گه یقین کیشی‌لردن و سیاسی فعال سیدذکرالله هاشمی گه کوره، دولت‌لر نینگ ملی منفعتی فرقلی دیر.
بیزلرنینگ توییترده هم تعقیب قیلینگ!
او نینگ ایتیشیچه: «مملکت‌لر نینگ ملی منفعت‌لری فرقلی دیر. سونگی ایکی ییل ده اسلام امیرلیگی بیلن سیاسی همکارلیک قیلیشگنی یوق که فرمایش‌لری بولسه. اولر عیاللر نینگ حقوقی خصوصیده صادق‌لیک بیلن عمل قیلیشمه‌گن و هیچ زمان عیاللر نینگ اویلشمه‌گنلر.»
ایتیش کیره‌ک که، اسلام امیرلیگی تامانیدن عیاللر گه یره‌تیلگن چیکلاولر بیکار قیلینمسلیگیگه دایر دنیا همجمعیت نینگ خواست‌لری عملی بولمسلیگی سبب، اولر اسلام امیرلیگی برابری ده ینگی و جدی باسیم‌لرنی باشله‌گن، اسلام امیرلیگی نینگ ایکی ییریک اعضاسی تحریم بولیشی و بیرلشگن ملت‌لر تشکیلاتی نماینده‌سی نینگ انسان پرورلیک یاردم‌لر کمه‌یشی گه دایر هشداری، اوشبو باسیم‌لر بیلگیسی دیر.