بیرلشگن ملتلر تشکیلاتی‌نینگ اقلیم اوزگریشی ۲۹-ییغیلیشی (کاپ ۲۹)، آذربایجان پایتختی باکو شهریده ایککی هفته‌دن سونگ یکونلندی. ییغیلیش‌ده اشتراک ایتگن مملکتلر، ینگی رواجلنه‌یاتگن و کمبغل مملکتلرگه اقلیم گه قرشی کوره‌ش اوچون همکارلیک قیلیش مقصدیده، میلادی ۲۰۳۵-ییل‌گه قدر هر ییلی ۳۰۰ میلیارد دالر مالی یاردم بیریش گه کیلیشگنلر.
اسلام امیرلیگی اطراف-محیط‌نی سقلش ملی اداره‌سی عمومی باشلیغی مطیع‌الحق خالص،۲۰عقرب، یک‌شنبه کونی تخنیکی بیر هیئت باشچیلیگی‌ده کاپ ۲۹ ییغیلیشی‌‌گه شرکت قیلگن؛ بیراق حاضرگچه ۳۰۰ میلیارد دالرلیک بودجه‌دن هوا اوزگریشلریدن تاثیرلنگن آلتینچی مملکت صفتیده بولگن افغانستان گه بیریلیب و بیریلمسلیگی بیللی ایمس.
بیزلرنینگ فیسبوک صحیفه‌میزگه باش اورینگ!
سونگی ییللرده هوا اوزگریشلری افغانستان یشاوچیلری حیاتی گه تاثیر قویگن. قوروق‌چیلیک، هوا ایسیشی، طبیعی واقعه‌لر جمله‌دن قتیق یاغینگرچیلیک، سوو تاشقینلر و باشقه اطراف-محیط قیین‌چیلیکلری یوز بیریشی، میلیون‌لب کیشی‌نینگ حیاتی گه تاثیر قیلگن.
سونگی کونلر مملکت شمالی ولایت‌لری جمله‌دن فاریاب، جوزجان، بلخ و قندوز ولایت‌لریده سوو تاشقین‌لری یوز بیرگن.
طبیعی آفت‌لرنی باشقریش ایشلری بوییچه دولت وزیرلیگی سوزلاوچیسی عبدالله جانان سایق نینگ ایتیشیچه، سونگی سوو تاشقینلر نتیجه‌سیده هیچ کیم گه جانی زیان ییتیشمه‌گن؛ بیراق قریب ۵۹۰ یشش اوی ویران بولگن. «قندوز، مزارشریف، فاریاب، جوزجان و بغلان کبی شمالی ولایت‌لرده سوو تاشقینی یوز بیردی؛ جانی تلفات ییتیشمه‌گن و بیر قطار مالی زیان بار. قریب ۵۹۰ یشش اوی بوتونلی ویران بولگن و ۱۱۰۰ جریب ایکینچیلیک ییر خراب بولگن. شونینگدیک ۱۲۰ باش چاروه تلف بولگن.»
شنبه کیچه یوز بیرگن سوو تاشقینلر سبب، بغلان ده ۵۰ یشش اوی ویران بولگن. مذکور ولایت یشاوچیلری‌نینگ ایتیشلریچه، حاضر عاجل یاردم‌لر گه نیازلری بار.
بو توغریده بغلان ولایتی کوک‌چنار تومنی یشاوچیسی عزیز‌الله‌نینگ ایتیشیچه: «اوتگن کونی سیل کیلدی و نیچه اوی‌گه سوو کیریب و ویران قیلدی. هیچ کیم اولمه‌گن؛ بیراق انه شوو توشک، کورپه، برنج و بوغدای نی گدود قیلگن.»
جوزجان ولایتی قوش‌تیپه تومنی‌ده‌گی ایکینچیلردن بیری نصرالدین‌نینگ ایتیشیچه، اوتگن کونی یوز بیرگن سوو تاشقین‌لرده ایکینچیلیک ییری ویران بولگن. «سوو تاشقینی یوز بیردی و یامغیر یاغدی. برچه نرسه نی بوزدی. انسان و اوی‌لر گه زیان ییتیشیتیرمه‌گن؛ بیراق ایکین‌زارلرنی خراب قیلدی. بیش-آلتی جریب ییریم نی خراب قیلدی که مین هم ییرلر اوستیده ایدیم.»
شونده‌ی بیرحالده، اطراف-محیط ایش بیلرمانلریدن قطاری‌نینگ ایتیشلریچه، افغانستان هوا اوزگریشلریدن تاثیرلنگن مملکت صفتیده، خلق‌ارا ترقیاتی یاردم‌لردن فایده‌لنیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اطراف-محیط ایش بیلرمانلریدن بیری شعیب سادات‌نینگ ایتیشیچه، اطراف-محیط مسئله‌لری بیلن سیاسی یانده‌شیلمسلیگی کیره‌ک. اونینگ کوپه‌یتیریشیچه: «قیغو بیلن حاضرگی شرایط‌ده مالی و تخنیکی یاردم‌لر گه کوپ نیازیمیز بار که بو توغریده ایشلنسه. افغانستان نینگ اونوتیلمسلیگی اوچون دنیا‌‌نینگ توجه قیلیش کیره‌ک. اطراف-محیط مسئله‌لری‌نینگ سیاسی قیلمه‌یلیک که اقلیم اوزگریشی‌نینگ آغیر اثرلری برابریده توخته‌یلیک.»
بیرلشگن ملتلر تشکیلاتی‌نینگ معلوماتی اساسیده، جاری میلادی ییل‌ده افغانستان ده ۱۶۰ مینگ یشاوچیسی سوو تاشقین‌لریدن زیان کوریب و شونینگدیک مینگ‌لرچه یشش اوی ویران بولگن.
