افغانستان سرپرست حکومت ساغلیق‌نی سقلش وزیرلیگی مسئوللری اوشبو وزیرلیکده، ۱۴ جون خلق‌ارا قان بیریش کونیدن نشانله‌دیلر.
مسئوللر اوشبو ییغیلیش ده کسل‌لر اوچون قان ییغیش و ساوغه قیلیش گه دایر سعی‌وحرکت قیلیش‌‌لریدن ایشانچ بیلدیریب و جمعیتده قان ساوغه قیلینیش فرهنگی رواجلنیشی و شونینگدیک دنیا همجمعیت دن بوتوغریده افغانستان بیلن همکار بولیشینی اېسته‌گنلر.
بیزلرنینگ فیسبوک صحیفه‌میزگه باش اورینگ!
ساغلیق‌نی سقلش وزیرلیگی نینگ ساغلیق خذمت‌لری بوییچه معینی عبدالولی حقانی، خلق‌ارا قان بیریش کونی مناسبتی بیلن ایتیشیچه: «خورسندلیک بیلن ساغلیق‌نی سقلش وزیرلیگی خادملری قان ساوغه قیلووچیلر نینگ سانینی ۲۰ فایز دن ۵۰ فایز کوپه‌یتیریش گه اولگوردی، قیینچیلیکّه قره‌مسدن قان بانک‌لریمیز فعال دیر و مراجعتچیلر گه نسبی ساغلیق زمینه‌سینی یره‌تگن.»
شو بیلن بیرگه، ملی قان بانکی مسئوللری سۉنگی بیر ییل ده مراجعتچیلر دن ۶۷۷ مینگ یونت قان توپله‌نیلگنینی معلوم قیلگنلر.
اوشبو ییغیلیش ده مسئوللر نینگ معلوماتی اساسیده، قان توپلش پیتیده ایکّی مینگ ۶۰۰ کیشی نینگ قاره سریق‌لیک کسلی، ۷۱۱ کیشی نینگ «ایچ‌‌سی‌وی» و آلتی کیشی نینگ ایدز کسلی گه چلینگن‌لیگی انیقلنگن.
بیزلرنینگ «ایکس» ترماغی ده هم تعقیب قیلینگ!
ملی قان بانکی آمری سیف‌الرحمان گه کوره: «قان ساوغه قیلووچیلر دن ایکّی مینگ ۶۰۰ کیشی نینگ قاره سریق‌لیک کسلی گه چلینگن‌لیگی انیقلندی و اولر نینگ قانیدن قوللنمه‌یمیز اولر نینگ ایکّی مینگ ۲۰۰ نفری ایرکک‌لر دیر.»
ملی قان بانکی نینگ حوزوی مدیری حمدالله احمدی نینگ ایتیشیچه: «مملکت مقیاسیده ملی قانک بانکی چوکاتیده ۲۱۰ قان بانکی فعالیت قیلماقده و اولر آرقه‌لی ۲۱۱ مینگ ۳۷۳ یونت قان توزیع بولگن.»
بوندن آلدین، مملکت نینگ دولت کسلخانه‌لریده قان یېتیشمسلیگی و کسل‌لر نینگ قاندن فایده‌لنه آلمسلیگیگه دایر هردایم شکایت بولگن.