قطرده فوتبال جهان کپی رقابت‌لری دوامیده، بوگون (پنجشنبه، ۱۰ قوس) تورت مسابقه بولیب اوته‌دی.
افغانستان وقتی بیلن ساعت ۷:۳۰ ده ایکی مسابقه باشلنه‌دی. کرواسی و بلژیک همده کانادا و مراکش تیرمه جماعهلری رقابت قیله‌دی.
شونینگدیک اوشبو رقابت‌لر دوامیده، افغانستان وقتی بیلن کیچه ساعت ۱۱:۳۰ ده جاپان و اسپانیا؛ کاستاریکا و جرمنی قرشی لشه‌دی.
بیزلرنینگ فیسبوک صحیفه‌میزگه باش اورینگ!
اوتگن کونگی مسابقه‌لرده تونس ۱:۰ حسابی بیلن ۲۰۱۸_ییل جهان کپی قهرمانی فرانسه برابری ده غالب بولدی. آسترالیا ۱:۰ دنمارک تیرمه جماعه‌سی برابریده غلبه قازاندی، پولند ۲:۰ حسابی بیلن ارجنتاین برابریده مغلوبیت گه تن بیردی و نهایت عربستان ملی تیرمه جماعه‌سی مکزیک برابریده ۲:۱ حسابی بیلن مغلوب بولدی.
۲۰۲۲_ییل قطر جهان کپی اویین‌لری باشله‌نیشیدن حاضرگچه A گروهی دن هالند ۷ امتیاز و سنگال ۶ امتیاز؛ B گروهی دن ارجنتاین ۶ امیتاز و پولند ۴ امتیاز؛ D گروهی دن فرانسه ۶ امتیاز و آسترالیا هم ۶ امتیاز کسب ایتیش بیلن، کیینگی حذفی دور گه یول تاپگن تیم‌لردن عبارت دیر.
بیزلرنینگ توییترده هم تعقیب قیلینگ!
مذکور رقابت‌لر دوامیده، ایرته (جمعه، ۱۱ قوس)، جنوبی کوریا و پرتگال؛ گانا و اروگوئه؛ کامرون و برزیل؛ صربستان و سوئیس تیرمه جماعهلری قرشی لشه‌دی.
۳۲ مملکت نینگ اشتراکی بولگن جهان کپی مسابقه‌لری، قطر میزبان‌لیگی بیلن اوشبو آی ۲۷ قوس گچه دوام تاپه‌دی.
