امریکا، بریتانیا و تورکیه بوندن آلدین افغانستان ده حربی فعالیت‌لردن حمایت قیلمسلیک‌لرینی ایتگنلر. اسلام امیرلیگی گه کوره، کابل ده تورکیه ایلچیسی میلادی اوشبو ییل ۱۸ جنوری سرپرست حکومت باش وزیرلیگی نینگ سیاسی اورین باسری محمد عبدالکبیر بیلن ملاقاتیده، مملکتی سرپرست حکومت مخالف‌لری گه سیاسی فعالیت قیلیش گه اجازه بیرمسلیگیدن ایشانچ بیرگندی. لیکن تورکیه دولتی بو سوزلرنی رسمی شکلده تصدیقلمه‌گن.
ینگی‌لیکده، ایران ده اسلام امیرلیگی نینگ مخالف سیاسی سیمالریدن بیری عیسا محمدی، اوشبو مملکت دولتی تامانیدن ممنوع‌الخروج بولگن.
بیزلرنینگ فیسبوک صحیفه‌میزگه باش اورینگ!
سرپرست حکومت سوزلاوچیسی ذبیح‌الله مجاهد ایران دولتی نینگ اوشبو اقدامی گه مناسبت بیلدیریب باشقه برچه مملکت‌لر دن اسلام امیرلیگی نینگ مخالف‌لری گه سیاسی فعالیت قیلیش گه اجازه بیرمسلیک‌لرینی سوره‌گن.
مجاهد نینگ سلام‌وطندار گه ایتیشیچه: «مملکت‌لر افغانستان ثباتی و خوفسیزلیگی اوچون مخالف سیمالر گه سیاسی فعالیت قیلیش گه اجازه بیرمه‌سین، چونکه بو مملکت‌لر منفعتی و منطقه خوفسیزلیگی اوچون مهم دیر بیز منطقه ده ثبات برقرار ایتیلیشی گه یاردم بیریش گه حرکت قیلماقده‌میز.»
عین‌حالده، ایش بیلرمان‌لر نینگ ایشانچی گه کوره، حاضرگی کونده دنیا بویلب مملکت‌لر افغانستان ده اوروش و مخالف جبهه‌لر اوستیگه سرمایه یاتقیزیش گه علاقه‌مند ایمس‌لر و سرپرست حکومت مملکت ده دایمی ثبات برقرار ایتیلیشی اوچون بو فرصت دن فایده‌لنیشی کیره‌ک.
بیزلرنینگ «ایکس» ترماغی ده هم تعقیب قیلینگ!
خلق‌ارا مناسبت‌لر ایش بیلرمان‌لریدن بلال فاطمی نینگ ایتیشیچه: «مملکت‌لر نینگ بو حرکتی اسلام امیرلیگی اوچون دایمی ایمس و اولر گه بو فرصت دن فایده‌لنیب و افغانستان نینگ ایچکی و خارجی قیینچیلیک‌لرینی حل قیلیش اوچون مصلحت بیردیک، بو فرصت دن فایده‌لنیلمه‌گن حالده اولکه‌لر مخالف‌لرینی حمایت قیلسه، امریکا و غرب نینگ بوتوغریده جزئی حرکتی اوزگریش‌لر گه سبب بولیشی ممکن.»
خلق‌ارا مناسبت‌لر ایش بیلرمان‌لریدن باشقه بیری ولی فروزان گه کوره: «بو مملکت‌لر اسلام امیرلیگی نینگ سیاسی مخالف‌لری گه یقینلب و اولر گه دفتر بیریب و سیاسی فعالیت قیلیش گه ایزین بیرسه، زیان‌لری گه بولیشنی بیلیشه‌دی.»
ایتیش کیره‌ک، سونگی ایکّی ییل ده بیر قطار مملکت‌لر اسلام امیرلیگی بیلن همکارلیک قیلماقده ایکن؛ لیکن هیچ بیر مملکت سرپرست حکومت نی تن آلمه‌ی و بوتوغریده دنیا همجمعیت نینگ نظرینی کوتماقده بیراق اسلام امیرلیگی دنیا همجمعیت نینگ شرط‌لریدن هیچ بیرینی عملی قیلمه‌ی بو خواست‌لر گه هیچ اعتبار بیرمه‌گنلر.