کابل بلدیه‌سی نینگ ایتیشیچه، آریانا کابل هوتلی‌نی ۲۶ درخت‌نی کیسیشی باعث ۱.۳ میلیون افغانی جریمه قیلگن. مذکور اداره بیر خبرنامه آرقه‌لی ایتیشیچه، اوشبو هوتل کابل شهری نینگ ۵-ناحیه حدودلریده درخت‌لرنی کیسیشی باعث شهری جرم گه متهم بولگن.
خبرنامه اساسیده، آریانا کابل هوتلی ۱.۳ میلیون افغانی جریمه توللب و اوشبو مقدار پول دولت خزینه‌سی گه انتقال بیریلگن.
بیزلرنینگ فیسبوک صحیفه‌میزگه باش اورینگ!
کابل شهری بلدیه‌سی گه کوره، بو کبی ناقانونی ایشلرنی آلدینی آلیش بیلن، برچه اهالی اوستیگه قانون بیر تور عملگه آشیریلیشنی ایسته‌یدیلر.
افغانستان پایتختی کابل، دنیا شهرلری ارا اینگ افلاس شهرلردن دیر، اوزاق مدتلی اوروشv و اوشبو شهرده اوز باشیمچه‌لیک بنالر قوریلیشی باعث، کوکلم محیط آز دیر.
کابل بلدیه‌سی قریب ۲۰ کون آلدین، کابل شهری ده‌گی درخت‌لر ونهال‌لر نیچه کوندن بویان فرصت‌طلب کیشی‌لر تامانیدن سیندیریلیب و اوغیرلنگنینی اعلام قیلگن ایدی. مذکور نهاد، بوندن کیین درخت و نهال اوغیرلری نقدی جریمه بولیشینی ایتگن ایدی.
بیزلرنینگ توییترده هم تعقیب قیلینگ!
کابل شهری بلدیه‌سی نینگ تأکیدلشیچه، درخت و نهال گه زیان ییتکیزیش، «شهری جرم» دیر و اوشبو نهاد بو کبی ایشلرنی جدی شکلده تیکشیره‌‌دی.