کابل نینگ خاک جبار تومنی‌ده بیر کیشی ۵دن آرتیق محلی صنف آچیش بیلن، بیر مینگ‌دن آرتیق ۵ یاش‌دن ۱۰ یاشرگچه بولگن قیز و ییگیت گه، باشلنغیچ تعلیم زمینه‌سی نی یره‌تگن.
مذکور محلی صنف نی یولگه قویگن وزیرخان نینگ ایتیشیچه، محلی صنف‌لرنی آچیش یانیده، باله‌لر تعلیمی‌‌دن عایله‌لر نینگ قوللب-قوتلشی اوچون تشویقی کمپاین‌لر و کتاب توپلش کمپاینی نی کابل نینگ تورلی تومن‌لریده اختیاری شکلده یولگه قویگن.
وزیرخان اوشبو صنفلر نی یولگه قویگنی‌دن مقصد، افغانستان کیله‌جگی رواجلنیشی و ترقیاتی اوچون ینگی نسل‌لر نینگ سوادلی قیلیش عنوان قیلگن. «بو ساحه‌لرده مکتب یوق ایدی، خاک جبار، بگرامی و باشقه اوزاق منطقه‌لرده مکتب یوق. افغانستان هر بیر قیز و ییگیت نینگ درس اوقیشی کیره‌ک. کتاب توپلش هم فعالیت‌لریمیز نینگ بیر بولیمی دیر. حاضرگچه ۱۰۰۰ کتاب توپله‌گن‌میز. بو ییرگه ناگران کیشیلر هم کیلیب درس اوقیدیلر.»
بیزلرنینگ «ایکس» ترماغی ده هم تعقیب قیلینگ!
وزیرخان نینگ کوپه‌یتیریشیچه، بوندن آلدین اوشبو تومن‌ده هیچ مکتب یوق ایکن؛ حاضر ایسه باله‌لر تعلیم یانیده، بیلیم سطح‌لرینی آشیریش اوچون سیار کتاب‌خانه‌لردن قوللنه‌دیلر.
شونده‌ی بیرحالده، اوقووچیلردن قطاری خورسندلیک قیلیب ایتیشلریچه، بوندن آلدین مکتب باریش و تعلیم‌دن محروم ایکنلر.
اوشبو محلی صنفلر اوقووچیلریدن فواد نینگ ایتیشیچه: «بو ییرده مکتب یوق ایدی، حاضر مکتب تاپیلگن. نیچه مضمون بو ییرده درس بیریله‌دی و بیزلر جودهیم خورسندمیز.»
محلی صنفلر اوقووچیلریدن باشقه بیری وژمه نینگ ایتیشیچه: «بیر ییل بوله‌دی که بو صنف گه کیلگن‌مین. کوپینچه درس‌لر نی اورگندیم. جودهیم خورسند‌مین که بو ییرده درس زمینه‌سی یره‌تیلدی. شونینگدیک بو ییرده مکتب قوریلیشی نی ایسته‌یمیز.»
بیراق مذکور محل یشاوچیلری نینگ ایتیشلریچه، اوشبو محلی صنفلر آچیق هوا‌ده بولیب و بو توغریده دولت‌دن باله‌لری گه تعلیم اوچون امکانیت تیارلنیشی و بنا قوریلیشی نی ایسته‌گنلر.
بیزلرنینگ فیسبوک صحیفه‌میزگه باش اورینگ!
کابل نینگ خاک جبار تومنی یشاوچیلریدن بیری کریم نینگ ایتیشیچه: «مکتب یوق، جودهیم قیین‌چیلیک بیلن روپه‌ره‌میز. مکتب قوریلیشی نی ایسته‌یمیز که شو قشاق کیشیلر هم درس اوقیسین.»
شونینگدیک اوشبو تومن یشاوچیلریدن باشقه بیری سید‌الرحمان نینگ ایتیشیچه: «اوزاق منطقه‌لردن بیریده‌میز. قیزلر و ییگیت‌لر درس‌دن ازواق قالگن. مذکور کیشی کتاب کمپاینی‌نی یولگه قوییگن، جودهیم خورسندمیز که بو رقم صنفلر نی یولگه قوییگن و اولردن کوپراق حمایت بولیشی کیره‌ک.»
وزیر خان گه کوره، خاک جبار تومنی‌ده قیزلر و ییگیت‌لر گه محلی صنف آچیش بیلن، عایله‌لردن کوپینچه‌سی هم باله‌لری نینگ کوپراق درس اوقیشلری خصوصیده قیزیققنلر.
وزیرخان نینگ اورغولشیچه، ایکی ییل‌دن بیری محلی صنفلر نی یولگه قوییگن و بو مدت‌ده ۱ مینگ‌گچه اوقووچی بو تعلیم‌لردن فایده‌لنگن.
