سلام‌وطندار‌نینگ ۱۴ عیال بیلن صحبت قیلگنی نتیجه‌سیگه کوره، اوشبو عیاللردن ۱۳ ته‌سی حاملهدارلیکده بویره‌ک و مثانهنینگ میکروبی بولیشی بیلن روپه‌ره بولگن. مذکور گزارش‌ده بیش‌ته توغروق بولیمی شفارکارلری بیلن هم صحبت بولینگن که اولر، کونده بویره‌ک و مثانهنینگ میکروبی بولیشی‌گه چلینگن ۵-۱۰ کسل‌نینگ اولر گه مراجعت قیلیشینی بیان قیلگنلر.
کابل یشاوچیسی بولمیش ۳۲ یاشر گیتی، حاملهدارلیک چاغیده بویره‌ک و مثانه‌ده آغریق حس قیلیش، تیز-تیز پیشاب قیلیش و حاملهدارلیکده کوچ‌سیزلیک حس قیلیش طفیلی شفاکار گه مراجعت قیلگن. اونینگ بو توغریده ایتیشیچه: «حامله‌دارلیک‌نینگ بیش و آلتینچی آیلری و سونگی آیلرده کوپ بویره‌ک آغریغینی تجربه قیلدیم؛ باش‌ده اونچه‌لیک آغریمه‌س ایدی، لیکن کیین حاملهدارلیک آی‌لریم نینگ یوقاری کیتیشی بیلن آغریقلر هم کوپه‌یدی.»
بیزلرنینگ فیسبوک صحیفه‌میزگه باش اورینگ!
شونینگدیک، حامله‌دارلیگی‌نینگ تورتینچی آیی‌ده مثانه ساحه‌سیده آغریق نی حس قیلیش سبب قیین‌چیلیک بیلن روپه‌ره بولگن ۲۳ یاشر پروان یشاوچیسی رخسار‌نینگ ایتیشیچه: «حامله‌دارلیده قارنیم‌نینگ قویی قسمی آغریدی، شفاکار گه باردیم، او مثانه و بچه‌دانیم‌نینگ چرک آلگنی نی ایتدی. حاملهدارلیکدن آلدین بو رقم بیر قیین‌چیلیگیم یوق ایدی؛ بیراق حاملهدارلیکدن کیین بو قیین‌چیلیک تاپیلدی.»
عین حالده، بویره‌ک و مثانه میکروبی بولیشی گه چلینگن عیاللردن قطاری‌نینگ ایتیشلریچه، حاملهدارلیک دوره‌سی یکونلنگنی‌دن کیین کسل‌‌لیکلرینی دواله‌گنلری بیرحالده؛ لیکن مکمل شکلده یخشی‌لنمه‌گنلر.
کابل یشاوچیسی بولمیش ۳۰ یاشر شهریه‌نینگ ایتیشیچه: «بیل آغریق و بویره‌ک آغریق تاپگن‌مین؛ وضعیتیم خراب بولدی و شفاکار گه باردیم؛ شفاکار بویره‌ک و مثانه‌م‌ده چرکی بولگنی نی ایتدی. درمان‌لندیم؛ بیراق حامله‌دارلیگیم‌نینگ ییتینچی و سکیزینچی آی‌لریده قیین‌چیلیگیم کوپه‌یدی؛ باله‌م دنیا گه کیلدی و توغیش‌دن کیین هم بو قیین‌چیلیک کیتمه‌ی و حاضرگچه بار.»
شونده‌ی بیرحالده، شفاکارلر طبی قاعده‌لر‌نینگ رعایت بولینمسلیگی، وجود مقاومتی کمه‌یشی و توغری آوقت‌لنمسلیک‌نی بو کسل‌لیک اصلی سببلریدن بیله‌دیلر. بو توغریده توغروق بولیمی متخصصی تمکین ایوبی امان‌نینگ ایتیشیچه: «حاملهدارلیک چاغیده وجود مقاومتی کمه‌یشی سبب، وجود مقاومتی کمه‌یه‌دی؛ عیاللر درست شکلده آوقتلنمه‌یدیلر؛ بویره‌ک و مثانه قیین‌چیلیگی بولگن عیاللر بار که شفاکار گه مراجعت قیلمه‌یدیلر.»
شونینگدیک توغروق بولیمی متخصصلریدن باشقه بیری پروین زاهد عزیز‌‌نینگ اورغولشیچه، حاملهدارلیک چاغیده بویره‌ک و مثانه میکروبی بولیشی‌نینگ دوالنمسلیگی، وقت‌دن آلدین توغیش و چقه‌لاق‌نینگ کم وزن بیلن توغیلیشی سبب بوله‌دی. «وقتی‌ده دوالنمه‌گنی صورت‌ده، بیر قطار قیین‌چیلیکلر جمله‌دن وقت‌دن آلدین چقه‌لاق‌نینگ توغیلیشی، بویره‌کلر نینگ میکروبی بولیشی و چقه‌لاق‌نینگ کم وزن بیلن توغیلیشی‌گه سبب بوله‌دی. بو قیین‌چیلیک آنه‌لرده قان کم‌لیگی و فشار‌نینگ یوقاری کیتیشی گه سبب بوله آله‌دی. حاملهدارلیک چاغیده بعضا بو قیین‌چیلیک پیشاب‌ده قان کورینیشیگه هم سبب بولیشی ممکن.»
سرپرست حکومت ساغلیق‌نی سقلش وزیرلیگی‌دن حاملهدارلیک چاغیده بویره‌ک و مثانه میکروبی بولیشی گه چلینگن عیاللر رقمی نی بیلیش ایسته‌دیک؛ بیراق حاضرگچه بو توغریده مذکور وزیرلیک آرقه‌لی بیر تحقیق صورت تاپمه‌‌گن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک که، افغانستان‌نی قیته قوریش اوچون امریکا نینگ مخصوص تیکشیریش اداره‌سی (سیگار)، خواطر بیلدیریب اعلام قیلیشیچه، ۱.۱ میلیون قیز اوقووچی‌نینگ مکتب و شونینگدیک کمیده ۱۰۰مینگ قیز طلبه‌نینگ بیلیم یورت‌لردن محروم قالگنی، آنه‌لر اولیمی میزانی‌نینگ ۵۰ کوپه‌یشی و وقت‌دن آلدین توغیشلر‌نینگ ۴۵ فایز کوپه‌یشی گه سبب بولیشی ممکن.
سونگی پیتلرده بیرلشگن ملتلر تشکیلاتی‌نینگ خلق‌ارا همجمعیت صندیغی (UNFPA)، افغانستان ده حاملهدارلیک و توغیش‌گه تیگیشلی موضوع‌لر طفیلی هر ایکی ساعت‌ده، بیر آنه‌نینگ جان بیریشینی ایتگنی بیرحالده، سیگار افغانستان ده آنه‌لر اولیمی میزانی‌نینگ کوپه‌یگنی‌دن خواطر بیلدیرگن.