ولایت‌لر نینگ مرکزلریده‌گی ولایتی کسل‌خانه‌لر اهالی گه ساغلیق خذمت‌لر نی ارائه قیلیشی خصوصیده اونملی اورین‌گه ایگه دیر؛ بیراق شفاکار و طبی امکانیت کم‌لیگی یا-ده یوقلیگی سبب، یشاوچیلر دایم بو توغریده شکایت قیلگنلر. بدخشان مرکزی فیض‌آباد شهری‌ده کسل‌دارلردن قطاری، اوشبو ولایت‌ده جایلشگن ولایتی کسل‌خانه نینگ اونملی بولیم‌لریدن بیریده متخصص شفاکار یوقلیگی‌دن شکایت قیلیب و مسئوللردن بو قیین‌چیلیک حل بولینیشی نی ایسته‌یدیلر.
فیض آباد شهری یشاوچیلریدن آرین آذر نینگ سلام‌وطندار گه ایتیشیچه، اوشبو کسل‌خانه نینگ عاجل بولیمی‌ده هیچ بیر متخصص شفاکار یوق و یالغیز نیچه ایش اورگنه‌دیگن همشیره بار دیر. «بدخشان نینگ ولایتی کسل‌خانه‌سیده‌گی جدی قیین‌چیلیکلردن بیری متخصص شفاکار یوقلیگی دیر، او ییرگه بارسه‌یز یالغیز نیچه همشیره‌دن باشقه هیچ کیم یوق.»
بدخشان نینگ ولایتی کسل‌خانه‌سی گه کسلی نی درمانش اوچون بارگن اوشبو ولایت یشاوچیلریدن باشقه بیری عبدالرحمان نینگ ایتیشیچه: «ایرتنگ ساعت ۰۹:۰۰ ده بو ییرگه کیلگن ایدیم و ساعت ۱۱:۰۰ بولگن و حاضرگچه قیین‌چیلیگی‌میز نی حل قیلمه‌گنلر. بار ایکی-اوچ ساعت‌دن کیین کیل دییه‌دیلر. ایکی-اوچ ساعت‌دن کیین بارگنی‌میزده، ینه ایکی-اوچ ساعت‌دن کیین کیل دییه‌دیلر. بو رقم قیین‌چیلیک‌لر بار.»
بیزلرنینگ فیسبوک صحیفه‌میزگه باش اورینگ!
عین حالده، بدخشان ولایتی کسل‌خانه مسئوللری، بو بیانات نی رد قیلیب ایتیشلریچه، مذکور کسل‌خانه‌ده ایشلاوچی کم‌لیگی بیرحالده، کسللر قیین‌چیلیگی بیراز حل بوله‌دی. اولر گه کوره، بو کسل‌خانه‌ده ۱۲۰ بستر بار و شونینگدیک تشکیلاتی هم بو اساس گه قوریلگن.
بدخشان ولایتی کسل‌خانه باشلیغی شفیق‌الله همدرد نینگ سلام‌وطندار گه ایتیشیچه، ولایتی کسل‌خانه‌ده آز ظرفیت و امکانیت بولگنی بیلن، بیراق ینه هم اوشبو ولایت مرکزی و برچه تومن‌لر یشاوچیلری گه ساغلیق امکانیت ارائه بوله‌دی. اونگه کوره، بدخشان ولایتی کسل‌خانه‌سی نینگ ۱۲۰ اورین‌دن ۲۵۰ اورین گه کینگه‌‌یشی اوچون ایش نینگ دوامی بار و یقین‌ده ایشی تکمیل بولیب و اهالی قیین‌چیلیگی نینگ بیر بولیمی حل بولیشی ممکن.
بدخشان ولایتی کسل‌خانه باشلیغی نینگ کوپه‌یتیریشیچه: «کونده ۱۲۰۰-۱۳۰۰ کسلی‌میز بار و شو رقم کونده قریب ۸۰-۹۰ بستر بوله‌دیگن کسل نی آله‌میز؛ کوپینچه پیت کسل‌خانه‌ده مراجعت قیله‌دیگن کسللر نینگ آلیش گه امکانیت یوق. فکر قیلینگ ۱۲۰ بستر بار. کوپینچه پیت‌لر ۲۵۰ بسترگچه مراجعت قیله‌دیلر؛ یعنی هر بستر گه ایکی-اوچ کسل بوله‌دی. اینیقسه باله‌لر، جراحی، نسایی-ولادی بولیم‌لری؛ یعنی مراجعت قیله‌دیگنلر سانی کوپ دیر.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بدخشان ساغلیق‌نی سقلش ریاستی مسئوللری نینگ ایتیشلریچه، اوشبو ولایت نینگ ولایتی کسل‌خانه‌سیده‌گی موجود قیین‌چیلیک حلی اوچون سعی و حرکت قیله‌دیلر.
بدخشان ساغلیق‌نی سقلش ریاستی نینگ عدلی طبیات مسئولی محفوظ سلطانی نینگ ایتیشیچه، کیچیک کلینیک‌لر گه علاوه، مذکور ولایت نینگ برچه تومن‌لریده دولتی کلینیک‌لر بار. اونگه کوره، بدخشان نینگ ایکی تومنی‌ده هم ایکی «CSA» و «BSA» کسل‌خانه بار؛ بیراق ینه هم کسللر کوپراق ولایتی کسل‌خانه گه مراجعت قیله‌دی و انه شوو سبب، کسللر قیین‌چیلیگی درست بیر شکلده حل بولمه‌یدی.
اونینگ کوپه‌یتیریشیچه: «کسل‌خانه‌ده کسللر گه اولویت بیریله‌دی. عاجل و وضعیتی یامان بولگن کسللر مراجعت قیلگنی‌ده، بیرینچی‌ده شفاکار اونینگ قیین‌چیلیگی حلی اوچون حرکت قیله‌دی؛ بیراق اونچه‌لیک عاجل بولمه‌گن کسللر گه ایسه، شفاکارلر مذکور اولویت گه قره‌ب پیش کیته‌دیلر. ممکن نوبت‌لری بیراز کیچ‌راق ییتیشگن کسللر نینگ سیسی چیقسه.»
ایتیش کیره‌ک که، بیرقطار ولایت‌لر و اوزاق منطقه‌لرده یشاوچیلر نینگ ساغلیق خذمت‌لر گه قول تاپه آلمسلیگی، دایم یشاوچیلر نینگ روپه‌ره بوله‌دیگن اصلی قیین‌چیلیکلریدن دیر.
