روسیه خوفسیزلیک کینگشی کاتبی سرگی شویگو، اوشبو مملکت افغانستانده آست قورمه لایحه‌لر جمله‌دن تیمیر یول، ترانسپورت، صناعت، ایکینچیلیک، برق و کانلرنی عملگه آشیریش گه تیارلیگینی اېتگن.
ارگ، ۵-قوس، دوشنبه کونی ایکس صحیفه‌سیده بیر بیانیه ترقه‌تیب یازیشیچه، شویگو بو موضوع‌نی اسلام امیرلیگی باش وزیری‌نینگ سیاسی اورین باسری محمدعبدالکبیر بیلن اوچره‌شووده بیان قیلیب و روسیه افغانستان سرپرست حکومتی بیلن سودا و اقتصادی مناسبتینی کېنگه‌یتیریش گه علاقه‌مندلیگینی بیلدیرگن.
بیزلرنینگ فیسبوک صحیفه‌میزگه باش اورینگ!
روسیه، شانگهای تشکیلاتیده افغانستان‌نینگ ناظر اعضاسی اوله‌راق اورنی قیته‌دن بیریلیش گه طرفدار اېکنلیگینی معلوم قیلگن، سرگی شویگو.
روسیه خوفسیزلیک کینگشی کاتبی، اسلام امیرلیگی باش وزیری‌نینگ اقتصادی اورین باسری عبدالغنی برادر بیلن اوچره‌شووده، مملکتی افغانستان بیلن سیاسی و اقتصادی مناسبتینی کېنگه‌یتیریش اوچون، یقینده اسلام امیرلیگی‌نینگ آتینی قاره رویخطی‌دن چیقریش وعده‌سینی بیرگن.
اسلام امیرلیگی باش وزیری‌نینگ اقتصادی اورین باسرلیگی ایکس صحیفه‌سیده یازیشیچه، بو اوچره‌شووده ایکّی تامان سودا، ترانزیت و سرمایه یاتقیزیش بولیملریده همکارلیکلرینی آشیریش اوچون قۉشمه کمیسیون شکللنتیریش گه تأکید اېتگنلر.
بیزلرنینگ «ایکس» ترماغی ده هم تعقیب قیلینگ!
باشقه تاماندن، سرپرست حکومت ملی مدافعه وزیرلیگی، روسیه خوفسیزلیک کینگشی کاتبی سرگی شویگو، بو وزیرلیک سرپرستی محمدیعقوب مجاهد بیلن اوچره‌شیب، اقتصاد، سودا و خوفسیزلیک ساحه‌لریده همکارلیکلرینی کېنگه‌یتیریش حقیده بحث اېتگنلریدن خبر بیرگن.
روسیه اسلام امیرلیگینی حاضرگه قدر تن آلگن بولمسه‌ده؛ بیراق سۉنگی اوچ ییلده دیپلماتیک مناسبت گه قۉشیمچه، سودا و سرمایه یاتقیزیش بولیملریده اسلام امیرلیگی بیلن همکارلیک قیلیب کېلگن.
