لوگر ولایتی نینگ ارزه، خوشی و خروار تومن‌لریده تورتینچی صنفدن یوقاری قیزلر مکتب‌لری نینگ ایشیگی اوقووچیلر یوزیگه باغلنگن ایدی، لیکن حاضر ایسه لوگر ولایتی نینگ مرکزی پل‌علم شهری، بره‌کی برک، چرخ و محمد آغه تومن‌لریده هم ابتدائیه مکتب‌لردن یوقاری صنف‌لر ایشیگی اوقووچیلر یوزیگه باغلنگن.
لوگر ولایتی بوییچه معارف ریاستی سوزلاوچیسی شاه پور عرب نینگ سلام‌وطندارگه ایتیشیچه، اوشبو ولایتده ناتینچلیکلر کوپه‌یگنی باعث، بره‌کی برک، محمد آغه و چرخ تومن‌لریده قیزلر مکتبی نینگ تورتینچی صنف گچه و پل علم شهریده ایسه قیزلر مکتبی نینگ آلتینچی صنف گچه ایشیگی اوقووچیلر یوزیگه آچیق دیر.
لوگر معارف ریاستی نینگ سوزلاوچیسی سیگه کوره، اوشبو ولایتده‌گی ناتینچلیکلر باعث، ۵۰% قیزلر تعلیم کوریشدن محروم قالگن‌لر.
اونینگ کوپه‌یتیریشیچه، اوشبو قیینچیلیک قوم بویوکلری بیلن شریک قیلینگن و لوگر ولایتی یشاوچی‌لریدن قیزلر تعلیم کوریش وضعیتی یخشی‌لنیش خصوصده یاردم بیریش‌لری سوره‌لگن.
انه‌شوحالده، لوگر ولایتی یشاوچیلری نینگ ایتیش‌لریچه، قورالی عصیانچی‌لر بیر هفته‌دن بویان پل علم شهری، محمد آغه، بره‌کی برک و چرخ تومن‌لریده‌گی قیزلر مکتب‌لری نینگ ابتدائیه دن یوقاری صنف‌لر ایشیگی‌نی یاپگن‌لر.
لوگر ولایتی یشاوچیلری خیر محمد و محمد عارف نینگ ایتیش‌لریچه:
لیکن لوگر ولایت حاکمی نینگ سوزلاوچیسی دیدار احمد لونگ سلام‌وطندارگه ایتیشیچه، هوای سوویگنی باعث پل علم شهری و قطار تومن‌لر نینگ مکتب‌لری تعطیل ایتیلگن.
جناب لونگ، طالبان گروهی تامانیدن، پل علم شهری و قطار تومن‌لرده‌گی قیزلر مکتبی نینگ ایشیگی یاپیلگنی نی رد ایتگن.
ایتیش لازمکه بوندن آلدین لوگر ولایتی ناتینچ بولگنی باعث، ارزه، خروار و خوشی تومن‌لرده‌گی قیزلر مکتبی نینگ تورتینچی صنفدن یوقاریسی تعطیل ایتیلگن ایدی.
طالبان گروهی ایسه، پل علم شهری و قطار تومن‌لرده‌گی قیزلر مکتبی نینگ ایشیگی یاپیلگنی حقیده هیچ بیر نرسه دیمه‌گن.
