«طلوع‌نیوز» خصوصی تلویزیون نینگ محلی خبرچیسی روح‌الله سنگر، اسلام امیرلیگی قماقخانه‌سیدن قوییب یوباریلگن.
سنگر جنابلری سلام‌‌وطندار بیلن اوتکزگن صحبتیده، اسلام امیرلیگی استخبارات کوچلری تامانیدن قولگه آلینیش دلیلی حقیده هیچ نرسه دیمه‌گن.
بیزلرنینگ فیسبوک صحیفه‌میزگه باش اورینگ!
عین‌حالده، افغانستان ایرکین میدیالریدن حمایت قیلووچی نهاد، اسلام امیرلیگی قماقخانه‌سیدن روح‌الله سنگر قوییب یوباریلیشیدن خورسندلیک قیلیب ایتیشیچه، افغانستان ییتکیرمه‌لر عایله‌سی سونگی نیچه کون ده مملکت نینگ تورلی بولیم‌لریده ژورنالیست‌لر گه قرشی ایریم ناقانونی یانده‌شوولر گه گواه بولگن و بو وضعیت خواطرلی دیر. مذکور نهاد، ژورنالیست‌لر نینگ حاضرگی احوالی دن خواطر بیلدیریب، بو احوال عادی حالتی گه قیتیش گه امید بیلدیرگن.
بو نهاد، حبس گه آلینگن خبرچیلر قوییب یوباریلیشی و افغانستان ده ییتکیرمه‌لر ایرکین و مستقل روشده فعالیت‌لری گه دوام بیریش اوستیگه تاکید ایتگن.
نی گه کوره، مذکور نهاد سونگی نیچه کون ده خبرچیلر گه قرشی ناقانونی یانده‌شوو و قولگه آلینیش جریانی کوپه‌یشی جمله دن قندهار ده «تمدن» تلویزیونی نینگ خبرچیسی عبدالرحیم محمدی، پروان ده‌گی خبرچی ضمیر ظهیر، دایکندی ده «رادیو نسیم» مسئولی سلطان‌علی جوادی محاکمه بولیشی و شونینگدیک، کابل ده «خورشید» تلویزیونی نینگ سابق ایشلاوچیسی «حسنا سادات» نینگ اولیشی گه گواه بولگن.
بیزلرنینگ «ایکس» ترماغی ده هم تعقیب قیلینگ!
افغانستان ایرکین میدیالریدن حمایت قیلووچی نهاد، خبرچیلر، ییتکیرمه‌لر و خبرچیلردن حمایت قیلووچی نهادلر بو معمالر گه روپه‌ره بولمسلیگی و اطلاعات گه قول تاپیش اوچون سونگی واقعه‌لر گه دایر آچیقلمه بیریلیشینی سوره‌گن.
«طلوع‌نیوز» خصوصی تلویزیون نینگ محلی خبرچیسی روح‌الله سنگر، یک‌شنبه کونی، ۲۶-قوس، پروان ده گزارش تیارلش پیتیده قولگه آلینگن ایدی، بوگون توش ده ساعت ۱۲:۰۰ اطرافی ده قوییب یوباریلگن.
