افغانستان ده‌گی اونلرچه قیین‌چیلیک یانیده، بو ییل اوشبو مملکت یشاوچیلری قوروق‌چیلیک بیلن هم روپه‌ره بولگنلر.
ایکینچیلیک بیلن درآمد قولگه کیلتیره‌دیگن دهقان‌لر، اوشبو ییل قوروق‌چیلیک عاقبتیده کوپینچه اقتصادی قیین‌چیلیک بیلن روپه‌ره بولگنلر.
مملکت نینگ تورلی منطقه‌لریده‌گی دهقان‌لردن قطاری قوروق‌چیلیک و اونینگ سلبی عاقبتی خصوصیده شکایت قیلیب و ایتیش‌لریچه، حاضرگچه اولر گه هیچ کیم کمک قیلمه‌گن.
بیزلرنینگ توییترده هم تعقیب قیلینگ!
سرپل ولایتی ده‌گی دهقان‌لردن عبدالمجید، قوروق‌چیلیک عاقبتیده اوزی و یقینداش‌لری گه ییتیشگن زیان‌لر نی شونده‌ی بیان قیله‌دی: «ایکی سیر بوغدای نی آلالمه‌گن کیشی‌لر هم بار، قوروق‌چیلیک‌دن بیخی بیزار بولدیک، نان تاپه‌آلمه‌یمیز، گوشت خو بیخی آلالمه‌یمیز. بولردن برچه‌سی قوروق‌چیلیک اوچون اورته گه کیلگن. ییرلری‌میز قوریدی. هیچ بیر نرسه‌میز یوق.»
شونینگدیک جوزجان ولایتی قوروق‌چیلیک عاقبتیده زیان کورگن ولایت‌لردن دیر. اوشبو ولایت‌ده ایکینچی‌لردن محمد صادق نینگ سلام‌وطندار گه ایتیشیچه: «اوشبو بوغدای موسومی‌ده ۱۰۰ کیلو بوغدای ایککن‌میز، لیکن اوشبو ایکین‌دن یالغیز ۸۰ کیلو حاصل قولگه کیلتیردیک.»
عین حالده، ایکینچیلیک اوچون ییترلی سوو یوقلیگی، مملکت نینگ اوزاق منطقه‌لریدن قطاری‌ده ایکینچیلیک نی کوپینچه قیین‌چیلیک بیلن روپه‌ره قیلگن.
ایکینچیلیک اوچون ییترلی سوو یوقلیگی نینگ سلبی عاقبت‌لری کوپراق مملکت نینگ غربی ولایت‌لریده احساس بولیب و اوشبو ولایت‌لرده‌گی دهقان‌لر ییترلی سوو یوقلیگی خصوصیده خواطرلنیب، حکومت‌دن مذکور قیین‌چیلیک نینگ حل بولیشی خصوصیده توجه قیلیش‌لری نی سوره‌گنلر.
بیزلرنینگ فیسبوک صحیفه‌میزگه باش اورینگ!
شونینگدیک لوگر و قندهار ولایت‌لریده قوروق‌چیلیک و سلبی عاقبتیده زیان کورگنلر، ایکینچیلیک اوچون سوو کم‌لیگیدن شکایت قیله‌گنلر.
شونده‌ی بیرحالده، ایکینچیلیک، سووغاریش و چاروه‌چیلیک وزیرلیگی قبول قیلگن که، قوروق‌چیلیک عاقبتیده ایکین‌چیلر نینگ حاصل‌لری گه جدی شکلده زیان ییتیشگن. مذکور وزیرلیک سوزلاوچیسی مصباح‌الدین مستعین نینگ ایتیشیچه، دهقان‌لردن حمایت قیلیش اوچون اصلاح بولگن تخم‌لر نینگ ترقه‌تیلیشی نی باشله‌گنلر.
عین حالده، گاردین کونده‌لیگی افغانستان ده ییگولیک ماده یوقلیگی و قشاق‌لیک وضعیتی خصوصیده ادعا قیلگن که، منطقه‌لردن بیر قطاری‌ده اهالی ییگولیک ماده‌لر گه قول تاپه آلمه‌گنی سبب، اوت ییه‌دیلر.