افغانستان ملی قان بانکی مسئوللری، تازه قان کم‌لیگی بیلن روپه‌ره بولگن‌لریدن خواطر بیلدیریب و ایتیش‌لریچه، یشاوچیلر رمضان آیی‌ده کمراق قان تاپشیره‌دیلر. اوشبو بانک مسئوللری گه کوره، حاضر ایسه ۴۰۰ پاکت قان ذخیره‌لری بار؛ بیراق تازه قان خصوصیده کسللر نینگ نیازی کوپراق دیر.
افغانستان ملی قان بانکی رئیسی محمد‌ناصر صادق نینگ سلام‌وطندار گه ایتیشیچه: «افغانستان ملی قان بانکی، رمضانده یشاوچیلری نینگ کمراق قان تاپشیریش‌لری سبب، تازه قان کم‌لیگی بیلن روپه‌ره بولگن.»
باشقه بیر تامان‌دن، کابل شهری نینگ دولتی کسل‌خانه‌لریده‌گی کسل‌‌دارلردن قطاری نینگ ایتیش‌لریچه، تازه قان گه نیاز دیر؛ بیراق سونگی کون‌لرده تازه قان گه قول تاپیش قیین بولگن.
بیزلرنینگ توییترده هم تعقیب قیلینگ!
باله‌سی نی صحت طفل «اندراگاندی» کسل‌خانه‌سی گه بستر قیلگن کابل یشاوچیسی محمد‌الیاس نینگ ایتیشیچه، قان گه نیازی بار؛ بیراق تاپیلمه‌یدی. اونینگ کوپه‌یتیریشیچه: «باله‌م صحت طفل کسل‌خانه‌سیده بستر دیر و حاضر ایسه داکترلر تازه قان ایسته‌گنلر؛ لیکن رمضانده اهالی نینگ قان بیرمه‌یشی سبب، تاپیلمه‌یدی.»
کابل یشاوچیلریدن باشقه بیری عاشق‌الله، اوشبو شهر‌ده‌گی دولتی کسل‌خانه‌لردن بیری گه قان بیریش اوچون کیلگن دیر، او یشاوچیلریدن باشقه کیشی‌لر گه قان تاپشیریش بیلن، نیازمند کسللر حیاتی نینگ نجات بیریش‌لری نی ایسته‌گن. اونینگ ایتیشیچه: «۴۰۰ سی‌سی قان بیردیم. ضرورت بولگنی پیتده، باشقه هم قان بیره‌من. یشاوچیلردن کسللر و افغانستان ملی قان بانکی گه، قان بیریش‌لری نی ایسته‌یمن.»
عین حالده، داکترلردن قطاری نینگ ایتیش‌لریچه، قان بیریش حتا رمضان آیی‌ده هم فایده‌سی بار. اولر گه کوره، قان بیریش یالغیز کسل نینگ قوتقریشی اوچون ایمس؛ بلکیم ساغلیق خصوصیدده قان بیرووچی گه هم فایده‌سی بار.
بو توغریده وزیر محمد‌اکبر خان کسل‌خانه‌سی‌ده‌گی موظف داکترلردن بیری نور بیک نینگ ایتیشیچه: «بیر پاکت قان بیرگن کیشی، نیچه کسل نینگ حیاتی نی قوتقریشی ممکن. شونینگدیک قان بیریش ساغلیق گه هم فایده‌سی بار. قان بیریش بیلن، جگر، قلب، مغزی و چربی خون، کسل‌لیک‌لردن قوتقریله‌دیلر و انسان بدنی‌ده تازه حجره‌لر نینگ تیریک‌لنیشی گه سبب بوله‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، دین عالم‌لریدن بیر قطاری هم یشاوچیلردن، کسللر گه قان بیریش‌لری نی ایسته‌گنلر. دین عالم‌لردن بیری عبدالحق انس نینگ ایتیشیچه: «رمضان آیی‌ده بیر کسل گه قان بیریش، هیچ قنده‌ی شرعی قیین‌چیلیگی یوق. اهالی‌دن اوشبو اوچ آی‌ده قان بیرمه‌گن بولسه‌لر، کسللر گه قان بیریش‌لری نی ایسته‌یمیز.»
ایتیش کیره‌ک که، افغانستان ملی قان بانکی مسئوللری نینگ بیاناتی اساسیده، کونده ۶۰دن ۷۰ کسل نیازلری بولگن قان نی قولگه کیلتیریش اوچون اوشبو بانککه مراجعت قیله‌دیلر که، اولردن کوپینچه‌سی تازه قان گه نیازی بار و اونینگ قولگه کیلتیریلیشی قیین بولگن.